Meghalaya Board of School Education (MBOSE) chuan Higher Secondary School Leaving Certificate (HSSLC) examinations 2018 result a tichhuak a, Commerce stream ah pakhatna chu Manipur nula, Chongdeinem Bobong Guite, Kangpokpi district a mi a ni.
Bobong Guite hi St. Edmund’s HSS, Shillong a zirlai a ni a, mark 443 hmuin English, Economics, Computer Applications, Alternative English leh Business Studies ah te Letter a hmu a ni.
Tuna Shillong awm mek, commerce topper Bobong Guite hian result chhuak tur hi a nghahhlelh thu sawiin Commerce a pakhatna a nih thu a hriat hian Pathian khawngaihna vang a nih thu sawiin a nu leh pa ten chhum lo chat lo va an support-na vang a nih thu a sawi a, he a hlawhtlinna hian an state mipuite pawh a tihlawm ve ngei a beisei a ni.
A sawi zel naah cultivator Henry Guite fanu Bobong Guite chuan charter accountant nih chu a dream a ni a, regular class leh Accountancy and Computer Application a coaching a kal hnuin in lamah darkar hnih darkar thum a zir chhunzawm thin a, nitin regular taka class kala zir leh in lama ennawn leh thlap zel hian hlawhtlinna a thlen thei a ni a ti a, zirlaite chu zuak leh chhiar thiam satliah mai ni lo va lehkhathiam ni turin a chah bawk a ni.
CONGRATULATIONS BOBONG
-Saihmingliana Sailo
Pic: Imphal Free Press
Post a Comment