Miss Mizoram 2018, T. Ramthanmawii leh DAY-NULM hnuaia Self Help Group pathumte chuan nimin khan Aijal Club, Reception Hall-ah inkawmhona hun an hmang.
He hunah hian Self Help Group pathum - Aihniara Self Help Group, Zemabawk, Dorki Self Help Group, Vaivakawn leh Hermon Self Help Group, Ramhlun South member-te an an tel. Heng SHG te hian Miss Mizoram Thanthani te nen hian khawpui chhungah nuho rualin eizawnna ngialnghet zawk an neih theih dan tur chungchang an sawiho a ni. SHG hmalakna hrang hrang an sawiho bawk. Miss Mizoram Thnathani chuan Mizoram chu India rama hmeichhiate dinhmun ṭhatna ber zinga mi kan nih thu leh hnathawh chungchangah pawh Female Labour Force participation (54%) lai kan nih thu a sawi. Thanthani chuan, "India rama state leh UT-te zingah chuan a sang ber dawttu kan ni mek a ni" a ti.
Miss Mizoram Thanthani hian Inrinni khan Khuangchera Hall, Ailawng-a 'Education cum Environment Awareness' neih chu a lo hmanpui tawh bawk a ni. -VANGLAINI
Post a Comment