Zonet buatsaih Mizo Idol 2018 chu July 25, 2018 aṭangin ṭan a ni leh dawn ta a, tel tumte tan June 1 aṭangin Aizawl leh District hrang hrangahte form lakchhuah theih a ni ang. 
Mizo Idol thlan leh turah hian inbuatsaihna ngawrh taka kalpui mek a ni a, a ṭum khat nan District capital tinah audition neih a ni dawn. Audition hi July 25 aṭangin ṭan a ni dawn a, Champhai-ah neih hmasak ber a ni ang. District tina audition neih tur hi live-a pek chhuah vek tum a ni bawk. 
District hrang hrang aṭanga tel tur thlanna hi August 8-ah zawhfel tura ruahman niin, hemi hnu hian intihsiakna tak tak ṭan a ni ang. 




Mizo Idol 2018 - ZONET Form lakchhuahna

Kum danga la tih ngai loh thil thar kalpui a nih dawn avangin a form lakchhuah pawh a awlsam sawt dawn. Form hi Dictrict hrang hrangah lakchhuah theih a ni dawn a, form-ah hian mahni zai duhna District ziah lan mai tur a ni. Dictrict hrang hranga Zonet sub-operator-te hnen aṭangin form hi lakchhuaha thehluh tur a ni a, Zonet Office, Zarkawt-ah pawh lak theih a ni. Zonet Office aṭanga lakchhuakte pawhin anmahni District-ah audition an nei thei ang. Form hi July 14 thleng thehluh theih a ni. 

Mizo Idol 2018 - ZONETForm lakchhuahna tur te : 

1. CCN - Champhai

2. Lalro Digitals - Serchhip

3. JB Cable - Lunglei

4. Skynet Cable & KT Vision - Lawngtlai

5. New Skylink - Siaha

6. CZS - Kolasib

7. Zonet Office - Aizawl

Criteria

Mizo Idol 2018-ah hian kum bithliah a awm dawn a, kum 14-30 inkar tan chauh tel theih a ni ang. Contestant chu Mizo hla sa thiam a ni tur a ni. Mizo Idol 2015-a top 50 tling tawh te chu audition round paltlang sa an ni. Zonet chhungkua chuan Mizo Idol 2018 hi a hma aia pui leh changtlung zawka buatsaih an tum a, zaithiam a duh apiang tel turin an sawm a ni.

Mizo Idol 2018 - ZONETAudition neih ni tur:

25th July 2018 - Champhai

28th July 2018 - Serchhip

30th July 2018 - Lunglei

1st August 2018 - Lawngtlai

2nd August 2018 - Siaha

4th August 2018 - Kolasib

6th August 2018 - Mamit

8th August 2018 - Aizawl

-Vanglaini

Post a comment

Powered by Blogger.