Isuan a hnènah, 'Keimah hi kawng leh thutak leh nunna
ka ni;
keimaha kal lo chu tu mah Pa hnènah
an thleng ngai lo' (Johana 14:6).
—Lalthasanga, N.E. Khawdungsei
Kohhran zirtirna
chungchang ka ngaihtuah
hian kan kohhran (Presbyterian
Church) chhunga thalaite
hi kan dazat ru riauvin ka hre thin. Zirtirna dangdai deuh leh
dik hmel zawk tia put chhuak
tam ber hi Presbyterian
Kohhran atanga lut an ni.
Kohhran dangte nghehna chhan
leh fir dan han en hi chuan kan
Pathian thu sawi leh hriat tam
tak, chu mai ni lovin kan nunpui
zui tak tam tak hi kan kohhran
thurin kal pel a ther fuk mai niin
a lang. A mal mala chutiang
chhui lovin kan nunphunga kan
tawlh sawn tial tialna kawng
tlem te en rih ila.
An ti…
Mizo khawtlang nun hona
kawnga thu belh chian dawl lo
ber ni si, kan ngaihtuahna kan
pek thuk viauna ni bawk si chu
he \awngkam hi a ni. A titu/
sawitu an tam leh tam loh lam a finfiah theih loh va, a dik leh dik
loh dan pawh a chhui thui theih
vak loh. Mahse, 'an ti tlat', 'an ti
miau', ‘an ti alawm', 'an ti deuh
vek', a dang dang a awm thei
ang. Mizo zingah hian 'an ti' tih
sawi an awm reng rengin, awih
lo hulhual thin chu kan tlem
viau ang.
Mi pakhat chauh pawhin a
dawt sawi/thu dik sawi tanchhana
'an ti' tih a hman chuan
va umzui chiama va kher vak
chu mi rual pawl lo nihna lam a
hawi ta daih mai a. Buk leh teh
tling lem lo thu leh thiltih tam
tak chu thu dik leh rin ngam
kawr kan haktir ta fo mai. Bulldozer
Kohhran a awm an ti a,
Mizoram tlangdung hrang
hrang ka fan kualna lamah ka
hmu zo lo, a awm lo a ni ang.
Mami Varte Kohhran pawh a
awm, tiin internet-a hmuh
theihin an lo ziak a; mahse, ka
hmu zo leh pek lo. Ka taima
tawk lo nge ni?
Finfiah theih loh thu
lengvak buaipui hlut hi kan
ching a. Chumi intanna chu han
chhui ila, ‘tu emawin an ti’ tih a
sawi atangin a ni fo mai.
Hlauhawm lem lo thil tam tak
he lai ram kilkhawrah hian
kimki chawih chawihin kan lo
hlau tawh thin. Lehlamah chuan
'anthrax' te kha chu an sawi
hlauhawm em alawm maw le.
Aw le, thupui lamah lut ang.
Tu rinna mah hi tehsakna khawl
kan nei lo va, kan rawngbawlpuite
thlarau chak leh chak loh
hi rin thua sawi chiam mai chi
kan awm a. Kan |halai rawngbawlna
kawngah hian he thil
hian hna tha lo tak a thawk thei.
'Ani chu thlarau lam duh chi a
ni', 'Ani chu a rau vak ngai lo',
'Ani chu khawvel ve deuh mai
hi a ni'. Heng thil kan sawi hian
a nihna dik tak kan va riruatsak
tihna a ni a.
Dik taka sawi chuan, biak in
chhehvel nungchang ni lo hi kan
rin kawngah chuan kori tu zawk
tur hi a ni si a; mahse, 'ni ngeia
kan hriat chu' an ti tih hmanga
nemnghetin mi dangte
chungchangah ngaih dan fahrah
te te kan neih phah fo mai.
Hetianga mi dang nun va
hriatsak vanga hmasawnna
neih belhten (an lo awm a nih
pawhin) an sawtpui dan hi
itawm tham leh belhfakawm
tak a ni tih pawmpui a har a ni.
Kan nun pawh uluk a ngaih rual
chiah hian kan tawngkam pawh
i duhtui zual ang u. Kan tlin
lohna inkher tawn turin rinna
pek leh khawngaiha chhandam
kan ni si lo va.
Mi mal rinna: Mahni kraws theuh kan pu
a, mahni chanvo theuh chu kan
hriat thiam theih chinah a
famkim thei ang ber kan duh
alawm. Mahse, heta mi mala
Pathian thu kan buaipui danah
hian mahnia hrilhfiah hi a tel tlat
mai a. Hei tak hi kum za liam ta
atanga kohhran lungphum su
ve dat dat khawpa rin hranna lo
irh chhuahna kawngka kha a ni
ve tlat mai.
Isua zirtirna fir bik, chanchin tha bu li atang hian pen chhuahpui
khawpa hrilhfiahna dawng
hi an la tam lem lo. Hemi piah
lama lehkhabute atang erawh
chuan chhinchhiah kim harsa
khawpin rinna thehlep te te leh
ruh kherhkhiap deuh deuh hi an
petek chhuak ta nual mai.
Isua Krista kam chhuak ngei
aia ngaih pawimawh kan nei ta
fo mai niin a lang a. Tirhkoh
Paula'n a sawi zauna lama a mi
mal nun kawng a sawite pawh
huai taka rinna indanpui tura
ngai pawl kan awm ta. Vanram
chungchang leh khawvel tawp
chungchangah pawh, Isua sawi
dan aiin mi dangte sawi danin
kan rilruah hmun a luah thuk
zawk hi a pawi viau a ni.
Thuthlung hlui Juda
sakhaw kherhkhiap, an ni tin
nunphung nena inzawm tlat
chu keini ram nunphung atanga
intah luh hram tumna chu rinna
fir nena suih zawm tlat tum
pawh kan tam hle a. Hming dik
ber thlangin serh tur tharlam
zawn chhuah kawngah mi tam
tak chu an taima hle a ni. Mimala
Pathian kan biak pawh theihna
hian mi mal Pathian pawl theina
a keng a, chu chuan a thu
hrilhfiahna thar a keng tel zui tlat
mai a. Chutah chuan zawhna tam
tak chhan sen loh a piang ta a ni.
Mak tak maiin he mi mal
ngaihtuah theihna hi kohhran
inrelbawlna huangah erawh
phuar behin a awm tlat thung.
Isua zirtirna, mawlmang leh khirh
lo tak hi i vuan ber zawk ang u.
Entawn: Presbyterian thalaite huho
thiltih tam tak hi kohhran thurin
kheng bet leh tidal thei a awm.
Kohhran dangte serh leh sang,
ngialngan tak taka kan lak luh a
awm a. Chung thil chuan kan thalaite peng bo tur a khuap nge
kan rinna fir lohna a entir zawk,
tih hi zawhna khirh tak, chhan
harsa tak a ni. Hun bik chi
hrang hrang kan duang chhuak
a, hengte hi kan kohhran
kalphung nen a inrem tawk em
tih enmil hi kan tih makmawh
a ni.
Rilrua kan rin dan phung lo
chhuta, lo thlithlai mekte tan
'chawhpawlh kalphung',
'chawhchawrawi nunphung',
leh 'daih rei lo hlimna um' ang
leka lan chhuahna a keng tel fo
tawh a. A la puntir zel dawnin a
lang. Kohhran thalaite ngheh
lohzia leh hlimhlawp bawl
peihzia mai chu, tia lo hmutute
tan chuan, Pathian hnathawh
aiin mihring leh mihring intuituahna
ram tia sawi pawh kan
hlawh mek zel a ni.
A eng pawh chu lo huaihawtin,
kum chhirin lo hmang
tawh thin pawh ni ila, a
pawimawh ber zawk chu – kan kohhran thurin leh kalphung
nen a inrem em le, tia kan en ve
fo a hun ta hle mai. Khawpui
kohhran bikah te phei chuan thalaite hawiher mila chet kan
tumna kawngah hian Pathian
thu leh a rawngbawlna anga
lang thei, chutiang ni hauh si lo
chu a inzep fer fur, ti ila kan thelh lua lo vang. Insiamrem leh
inthlak danglam ve zel hi a tha,
a tul pawh a tul a; mahse, kan
thurin bulpui tinghing zawnga
kan pen zel chuan kan hmabak
a him ta lo.
Harhna kha khawiah nge:
Chang lo bik nih hlauvin
kan hnathawh lai dahin kan phe
chuk a, tuna reh ta riauva kan
hriatna hian harhna awmna
hmun tur nia kan hriat a tilang
chiang hle mai. Biak in chhung
chauhva harhna hmuh tum nih
hi thalaiten kan bansan hmasak
a hun ta e.
Tunah hian harhna khan kan
tuallai a fang mek a, khuang ri a
hriat tawh loh va, lam an awm
hek lo. Nungchanga lantir turin
min zui mek a ni. Pathian kan
hmangaihna leh kan duhna hian
biak ina kal thinte hi khawi
hmunah pawh min umzui zawk
teh se. Kohhran dangte er, el leh
sel, thik leh kawh ber kan ni a;
Zoram khawvela kan tam lam
ai hian kan nun tak lam hi i ngai
pawimawh ang u. Thil runthlak
tak sawi tel hram tul chu, tun
harhna hnuhnung ber atanga
'Pawl chhuak' an la awm cheu
kha a ni. Pathian kan duhna
kalphung, biak dan kawng leh
zuinaah hian thalaite zingah 'fir'
zawk awm tlata hriatna kohhran
chhungah ala awm cheu a
ni tih a lantir tlat a ni.
Duhtawk phawt dawn ila.
Kan zing atang (kan kohhran
atang ngei) hian rinna hran zui
tura puanthuah tel an la awm zel
a. Chu chuan kan inrelbawlna
leh kan kalphunga siam that
ngai a la awm zel zia a tilang a.
Kum tam kan kal tawh danah
hian siam that chin leh siamrem
chin kan ngah hle tawh a; mahse,
kan la inkhuap hneh lo hle a ni.
Chutih rual chuan ven theih loh,
rinna kawnga mi theuleu leh
ziktluak lo hi chu an awm ve
tho.
Inen fiah erawh kan ngai e.
Source: Kristian Thalai
Post a Comment