State páwna khawpui pasarihah Mizoram House 10 a awm a, chu'ng Mizoram House 10 enkawl nan chuan Mizoram sorkarin financial year 2017-18 chhung khan cheng nuai 1,464.82 a sêng. Mizoram House-te hian mikhual an thlenna aṭangin cheng nuai 291.55 an hmu a; enkawlna atana sum sen zat leh sum hmuh inthlauhna chu nuai 1,173.27 a ni.
Kum 2017-18 chhunga Mizoram House 10-a thawkte kum khat hlawh belhkhawm chu Rs. 7,12,58,146.30 a ni a; House enkawlna bikah Rs. 7,69,77,162.97 hman a ni bawk.
Mizoram House Enkawlna Sum:
RTI Act hmanga zawhna GAD-in a chhan danin, sorkar kum liam ta 2017-2018 chhung khan Mizoram House 10-ah thawktu 180 an awm a, chu'ng zinga mi 119 chu a ngheta thawk (sorkar hnathawk nghet) niin, a nghet loa thawk mi 61 an awm.Thawktute kum khat hlawh belhkhawm chu Rs. 7,12,58,145.30 a ni.
Kolkata-ah Mizoram House pathum awmin, New Delhi-ah pahnih a awm a, khawpui dang pangaah pakhat ṭheuh a awm.
Kolkata-ah thawktu tam berin, a ngheta thawk mi 45 leh muster roll-a thawk mi 32, an vaiin mi 77 an thawk a; kum khata an hlawh belhkhawm chu cheng nuai 197.78 a ni.
New Delhi-a Mizoram House pahnihah thawktu 24 awmin, sorkar hnathawk nghet vek an ni a, kum khata an hlawh belhkhawm chu cheng nuai 175.70 a ni.
Guwahati Mizoram House-ah thawktu sorkar hnathawk nghet mi 13 awmin, a nghet loa rawih mi 17 an awm a; thawktute hlawh GAD-in kum 2017-18 chhunga a pek zat chu Rs. 50,45,495 a ni a, Food, Civil Supplies and Consumer Affairs (FCSCA) department-in Rs. 19,95,376 an pe ve bawk.
Guwahati Mizoram House bik hi FCSCA kutah a awm tel bawk a, FCSCA leh GAD-in an la insem fel loh avangin thawktute'n hlawh an lakna (hlawh petu) pawh a dang niin GAD hotute chuan an sawi.
Shillong Mizoram House-ah thawktu mi 28 awmin, regular vek an ni a, an hlawh atan kum khatah cheng nuai 90.11 sên a ni.
Silchar Mizoram House-ah a ngheta thawk mi 13 leh MR-a thawk mi 12 an awm a, an hlawh atan kum khatah cheng nuai 78 a ngai.
Mumbai Mizoram House-ah thawktu mi 12 awmin, an hlawh atan kum khatah Rs. 24,97,882 mamawh a ni a; Bengaluru Mizoram House-a thawktu mi pakuate hlawh atan kum khatah cheng nuai 14.91 hman a ni.
Kum 2017-18 chhung khan Mizoram House malkhaia chhûtin Guwahati Mizoram House-ah mikhual an thleng tam ber a, mi 8,516 an thleng a; a dawttu Shillong Mizoram House-ah mi 6,946 leh pathumna Silchar Mizoram House-ah mikhual 5,956 an thleng. -VANGLAINI
Picking the ideal color, paint Professional Painters Covington as well as solution supplier can boost the appearance of the house/ house or your workplace. Color blending is one of the toughest facets of discovering just how to repaint making use of acrylic or oils. Research study claims that kids are much more energetic in spaces with violet or purple paints.
ReplyDelete