Mizoram Information Commission-a Information Commissioner thar atana ruat IPS Pension Pu Zorammawia chu vawiin khan Raj Bhavan-ah Mizoram Lt.General Nirbhay Sharma an rinawmna thu tiamtirin a la lut.

Pu Zorammawia hian kum 1982 khan Mizoram Police Service-a zawm a, kum 1995 khan IPS a zawm a ni. Kumin February ni 28 khan a hna chelh lai IGP atangin pension-in a chhuak a. Information Commissioner atana ruatna hi May ni 3 khan Governor Lt. Gen. Nirbhay Sharma chuan a chhuah a ni. 


ZORAMMAWIA IPS RETDPu Zorammawia hian police officer hnathawk tha chawimawina sang President’s Police Medal for Distinguished Service chu kum 2005 khan a dawng a. Kum 1998 ah Police Medal for Meritorious Service a lo dawng tawh bawk. 

Information Commissioner thar lakluh inkhawmah hian Minister Pu Lalsawta, Pu H.Rohluna, Pu John Rotluangliana, Deputy Chief Whip Pu RL Pianmawia bakah Chief Information Commissioner Pu Lalduhthlana Ralte, Planning Board Vice Chairman Pu H.Liansailova leh sawrkar mi pawimawh engemawzat an tel a ni.-DIPR

Post a comment

Powered by Blogger.