MIZORAM PEACE ACCORD REVIEW
India sorkar leh MNF inremna thuthlung tihhlawhtlin a nih dan ennawn tura din Peace Accor Review Committee chuan inremna avanga MNF mi lokirte in sakna atan Prime Minister hnenah Special Housing Assistance a dil sak mek.
GAD hotute hnen atanga thudawn danin Peace Accord Review Committee hian inremna avanga lokir aiawhte’n dilna an thlente a tul anga bawhzui turin a buaipuitu department-ah te thlen a ni tawh a. Sorkar hna a dah tura dilna pawh ngaihtuah mek a ni an ti. An in sakna atana sum dil sak hi bawhzui mek a nih thu an sawi. He Committee hi kum 2015 August ni 13 khan Chief Secretary kaihhruaina hnuaiah din a ni a, hemi hnu-ah hian nikum May ni 2 khan Chief Minister kaihhruaina hnuaiah din that leh a ni a A vaiin vawi 5 an thukhawm tawh a ni.
He committee hi din a nih chhan chu kum 1986-a inremna thuthlung tih puitlin a nih dan ennawn leh he inremna avanga lokirte’n dilna an thlente ngaihtuah a bawhzui a ni. He committee hnuaiah hian Sub-Committee pakhat din a ni a. He Sub-Commttee tih tur leh mawhphurhna chu inremna avanga MNF mi lokirte insakna tur leh rambuai laia nunna chan chhungte ralna tur ruahman tura India sorkjar hnena rawtna siam te a ni.-AIR Aizawl
Post a Comment