Dr. H.L.Malsawma ThukhawchangDr. H.L.Malsawma thukhawchang:

Vawikhat chu Traffic Police-in man an tum ve ngawt mai a.. "A hlawh tam dan indawtin ding tlar ila min au phak lo vang..." a ti zek.. "In pute an lak dawn khan an zawhna kha ka siam a nih kha", a la ti zui.


A kawng chho hriat pawh kha a chho fu ni tur a ni.....''Hmaa kal te kapkar aţangin an khabe kan han hmu thei'', a ti.


A private library hi a turu fu aniang, "Dr Tluangtea (private library nei ve tho) in a rawn en a , a TAP tawp," a ti. "Pu Malsawm Colney-a a lo kal a, a bawkkhup tawp," a ti bawk.. Lehkhabu a tam awm mai mai asin.

Camera thar a neih tumin, ''Pa Sawm, thlalak i thiam ve em ni?'' an lo ti ngawt a, ''Teh reng mai i mitmu ringawt pawh kha bang tiatin ka la thei'', a ti.


A camera kha a țha awm asin. ''Tuikhuahtlang ațangin zemabawk kawnga kal liam tur hmel(hmai) fiah tawkin a lak theih', a ti.

A camera thar that zia a fakna 'Tukkhum lam atanga lak pawn hmel a lang thei' a ti.

Pu HLA thusawi dik deuh chu, Camera tha chu a rit, pheikhawk tha chu a zang.


Camera țha nei hmasa pawl kha a ni bawk a..a hmet malh malh lah taka..kan veng tlangvalhoin, "Pu Sawm thla min lo lak ve" an tia.. Ani chuan, "Ummh a theih loh, nangni ang thlalak hi tlan leh loh Thingrem thum ka nei tawh" a ti tlat..

Tum khat programme an hmannaah pawh amah a Chair a, Chairman ber camera nen an vir kual tak tak mai ah!!!

Tuikhuahtlang Kohhran, Mission Veng atanga an indan tirhin Biak Inah zaipawl a conduct-a, a kut leh lamin solfa a vaia leh lamin thla a la.

"Mizoram Director-ah chuan ka hnuaiah Group A officer an tam ber, za rual an awm", a ti.

Ka pu, Solfa i thiam em? an tia. "Kan hmuhchhuah alawm" a ti tlat! Thiam awm mai mai asin.


"Ka pu, PhD-ah chuan eng ber nge i zir a?" An lo ti a, "E.... lei leh van inkara mi chu ka zir zo vek," an ti.

Pu HLA hi kum 1978 vel khan Mizoram Chess Association-ah Asst Secy a nia, an committee tumin an G/S Pu Luaia chuan, "Nang Pu HL, committee kohna chu lo buaipui mai teh, i sem nghal vek dawn a nia", ati a. Pu Hla chuan, "Committee kohna sem tur chuan lehkha ka thiam lutuk, Pu V.Chuanga te hian sem rawh se", a ti tlat.

PUC-a a thawh lai, Pu Saingenga Principal laiin, an thawhpui hnamdang thatchhe deuh leh exam veng tha peih vak lo an awm a ni awm e. Exam laiin Principal room-ah lutin chu vaipa chungchang chu Principal a va hrilh a, chutih lai tak chuan chu vaipa chu a lo lut pek a..... Sir, hepa hi mawle, tih pahin a lo rek nghal nawk nawk mai a ni awm a. Principal-in a thelh thei hram e an ti.

Scooter a neih tirhin a that zia zirlaite a hrilh dan chuan, "Treasury atanga PUC, PUC atanga treasury thlen nan petrol khelawk khat chiah a ngai", a ti. A scooter kha chu a tha alawm, 'Hal chhe vek mah ula a chhe lovang', a ti tlat. Dr. Tawnenga hnen ngeiah a sawi!

Mission Veng DYO Hall-ah hian All India Civil Service Badminton competition kan thleng a, Pu HLA hi Secretary a ni a. Nikhat chu a hunah a lo thleng lo a, kan nghak thap mai a; chabi a kawl si a, reife hnuah a scooter-in a lo thleng a. Engmah kan sawi hmain, "Lo ngawi rawh u, kan nu pa damdawiinah a ang chap chap tawh, tunah phei chuan a thi tawh mai thei", an ti mai a, tuman kan hau ngam ta lo

Lungleia DEO a nih laiin DC Pu Vanenga te inah engemaw chen a khawsa ve a. DC nupui chuan chengkawl a lei a, 'Pu Sawm, chengkawl i ei ve ngai em? a ti dek dek a...'Eeee, chengkawla chawm len alawm ka nih' a ti! A ei ngai hmel fu a ni.


Tlema tharlam deuh (thar lutuk tawh lo!) — A fanu kha Bungkawn atangin an lo leng a. An haw tur khan, "Ka pa, i pension tawh sia, tunlai enge i tih tak ber?" a ti a. Pu Sawma chuan, "Lehkhabu ka ziak..." a ti a. A fanu chuan kawngkhar kan pahin, "Ka pa hi lehkhabu ka ziak te hi i ti ve ngawt a, enge maw i ziah ve le?" a han ti zui zauh mai a le, Pu Sawma run lutuk chu kawngkharah a lo dak lehnghal zawk mai a, a kut pahnih zau tawka phar chungin, "KHAWVELLLL !" a ti!

Zan khat chu Christmas vuakvet laiin a commitee haw zan rei tawh takah Sikulpuikawn atanga Tuikhuahtlang chhohna tur takah a Scooter a thi a, khua a chhia a, ruah a tla sep sep bawk si a, a thim si a. Police duty ten, "Kha khawi atangin nge i lo kal, i Scooter kha i ruk em ni? An ti ngawt maia, ani chuan, 'Officer lian a nihzia an hrilh hrep mai a, a tawpah phei chuan ka man mai tur che u asin, in duh em a ti a, police duty-te chuan ngaihdam an dil a, an insaseng ta zawk a ni.


Hmanni deuh tawhah khan Sikulpuikawnah khian traffic a jam mup mai a. Chutia traffic jam lai tak chuan Pu Sawma kha an in lam atangin Sikulpuikawn lam panin a rawn inkhalh phei mek a. Amaherawhchu, vanduaithlak takin Sikulpuikawn chhuah dawn tepah khian taxi pakhat a tai palh ta hlauh mai a. Taxi driver chu lungni lo zet maiin a motor atangin a rawn chhuak a, a motor rang vel chu a rawn en thuak thuak mai a. A tai palh tupa Pu Sawma erawh chuan heti hian taxi driver chu a lo kamkhat hlauh thung a, "Phaiah i la kal lo a ni maw!? Khung phairam khawpui lianah te khu chuan hetianga motor intai palh tih mai maiah tumah an thinrim duh tawh hleinem! Delhi-ah te khuan zuk kal teh, khuti zat zingah khuan motor tai ran loh hi chu motor 103 bak a awm lo reng reng!!— a dang zawng khu chu tai ran vek a nih khu!" tiin!


Kha traffic bawk kha a hauh tumin, in pu te angin arsi chu lawm ve ila (a dar veilam khawih pahin) he lamah tuarrrhhh, (dinglam khawih leh pahin) leh lamah pawh hian tuarh a ni mai, tunge ka nih i hria em, Dr HL Malsawma ka nih hi, lehkha thiam vanga Doctor.

A zin haw kha check gate-ah an lo tiding a. Duty hnenah chuan, "Ka motor hmaa intâr saw va en teh: Director-ah pawh 'Higher' a nih saw..." A piaha duty dang chuan, "Check tho rawh," a lo ti zauh pek a.
Pu HL-a chuan, "A aia mawl a la awm ka ti..."


Hman ni lawk khan Delhi-a Spinal Injuries hosp-ah a makpa an zai a, zai êm a ngaih loh beiseiin Kelkangah an han kal hmasa kher bawk a, a dam ta mai si lo chu a pu chuan, "Kraws te kha i han khawih lo a niang chu" a ti a. Ani chuan, mi an tam avanga khawih pawh a harsat thu a sawi a, a ni chuan, "A ho lutuk a ho lutuk. Ni thum han kuah tur alawm", a ti hrep a ni awm asin.

Zawngțah a duh viau a ni awm e. Țum khat pawh an nula chu Inrinni zinga bazar turin an tir a. A lo haw chuan... "Zawngțah i rawn lei na nge?" "A, ka pu, a vang deuh tawh a, a awm chhun pawh a to lutuk. Ka lei ngam lo." Pindanah a va lut a, pawisa a va lak belh a. An nula hnenah chuan, "Kha, zu kal leh nghal lawk rawh; a zuar tawh hrim hrim kha chu Rs 5/- sem thla nghal zel dawn nia."

"Gauhati University-a kan kal lai chuan kan zun leh êk ah chauh ni lo, kan zakah hian zawngțah rim a nam rum rum mai mawle," a ti.

Pu HL, i pension tawh sia enge i tih tak ang, kan lo tia, "E, politic te kan khel ve tawh ang chu," a ti ve mai a. "Khawi bialah nge i tlin ang?" an tia, "Eee Reiek bialah pawh hian Nuthlawi vote ringawt pawhin ka tling ang", a ti.

A Delhi zin tur kha a faten thil an chah hnem deuh a ni awm e, "Ngawi rawh u, in duh loh chauh sawi rawh u, a dang chu ka rawn hawn vek ang", a ti.

Naupang pakhatin, "Ka pu eng nge i nih?" tiin a zawt a. "Sikula in zirtirtute, Aizawla an training-a lo zirtirtu, chu mite zirtirtu leh chu maw le..."

"Reieka kan tleirawl lai chuan October thla atang hian Masi hlate hi ka sa tan tawh a, Masi a lo thlen te hi chuan kan aw hi a chhang phui tlat tawh a kan zai khawm te hi faifuk hlirin hla kan sa thin", a ti.


Kohhran Sunday Sikulah Secretary hi hun rei tak chhung a lo awm tawh a, a mawng a zangin a tlin em em a, Kohhran hriattirna leh thupuante hi a ziak en lo hian hneh tak, dik em em hian ngaihnawm takin a puang thin. A ngaihnawmin a hmuhnawm thin hle. Kohhran Committee in Pu HLA hi secretary a ni rei tawh a, a hah em mai, midang i ruat ve tawh ang an ti a. Secretary thar an ruat tih kha hrilh an hreh si, aaaa Upa Huala'n hrilh rawh se, a thiam ber ang an ti a. Upa Huala chuan, "Sawma, kha, secretary thar pawh kan han ruat tak kha", a ti a. Rang em emin (Pu Huala sawi zawh rual rualin), "Kei aia tha chu in hmu chuang lo ang", a ti nghal zat e an ti.(An hmu lo mai thei a ni).


"In nuam tur chuan tukverhah han dak ila, biak in 7 tal a hmuh theih tur a ni. Ka in aţang hi chuan biak in 40 a lang thei", a ti.

An veng kha Masi lai khan an han zai tui awm mai mai, Pu HLA kha hla thlan in-charge ania zing dar 3 velah Pu Vaivenga (RIP) khan ''Pu Sawm, he hla hi a sak ve theih tawh angem?," tiin inthlahrung takin hla pakhat kha a rawn thlang ve a, ani chuan, ''Theih loh, theih loh, nimin tlai dar 4 a thlan tawh, la sak loh 100 ala awm!''

A hming bulah Dr. a awm avang hian nu pakhatin inentir tumin a pan rawk mai a, a ti fuh vak lo. Chu nu hnenah chuan, "Lo kal teh, lo kal teh, khatah khan thu teh", a ti a, hmai zangthal haha en pahin, "Kei te chu pumchhe Doctor mai mai ka ni hleinem, thiam uchuak avanga Doctor, zirtur zawng zawng zir zo tawh, a bak pawh la hria ka ni asin", a lo ti hrep mai.

Upa Sawta In thar a zuk en sak ve a.. a sawi hmasak ber chu, "Eh, i in ang pathum hi chu ka inah khian a leng ang...", a ti..


Reiek kawngah kawngsir tuiluang a in a....a thianpa in HL....a intlak dawn ami atia...." E mai mai a..tlemin chawknu hlek ila..in atan a tui tawk chiah" a ti..

Vawikhat chu MLA ho thla lak an tum a...an muang chang si a....an hming khan a ko hmiah hmiah a...(eg pu sawt...hetah lo kal rawh....nang pu hawl..alaiah)...
Sorkar officer pakhat inthlahrung khan....sir te ti ve la alo ti zeuh......sir sir kan tih chuan engtikahmah kan inrem zo lovang a ti hmiah....a sawi ang tak takin min 5 vel awrhah a rem zo vek.

(A ziaktu kan hre lem lo)

Post a comment

Powered by Blogger.