
THENZAWL-A ACCIDENT CHUNGCHANG, KIMCHANG
Sumo sutu 911 Mizoram PWD Truck thar hi nimin chawhmaa PWD Minister Pu Lal Thanzara'n lirthei thar a vailiam tak zinga mi kha niin, a khalhtu Lalhmelá¹haa hian Zu a rui a, a tlanchak viau bawk nia sawi a ni (amah chuan Sialsuk khaw daiah Beer cane 2 leh zu no 2 a in niin a insawi), Sumo hian an hmaa Truck lian tlan hi an hmu a, kawng chhak sir ah an tlan a, Truck hian han su ta thoin, Sumo a sut hnu hian kawngpui thlang lama awm Tantia Company Bolero MZ-09-0195 chu kawngthlang leiletah a su thla a, Tantia Company Generator lian pawh a su chhe bawk.
He chhiattawhna hriat anih ve leh hian Thenzawl Police te chuan thil thlendan a hmunah enfiah nghalin, Truck khalhtu Driver hi an la nghal a, dan pangngai anga thubuai(Case) siamsakin, vawiin chawhma khan Thenzawl Police ten Serchhip Court ah an hruai a ni.
Thenzawl Joint YMA te chuan a á¹ul angin chhiattawkte hi an buaipui a, Pu K. Lalremruata hi Kuang siamsakin, nizan dar 1 vel khan Siaha lam panpui a niin, vawiin hian New Siaha ah vui a ni (ang).
Pu K. Lalremruata hian fapa 3 leh fanu 1 neiin, an fapa Divine School, Aizawl a Pawl 7 zirlai, Hostel a awm tlawh tuma a nupui leh a fanu naupang ber nena Aizawl lama kal hi an ni a, hetiang vanduaina hi an tawk ta a ni.
( TBC Family Sumo khalhtu leh neitu ni bawk hian kum 10 chuang a khalh tawh a, nimin khan a á¹hianpa sumo, Siaha to Aizawl service ve tho, Sang Sang Sumo chu a ke lam kaihhnawih fel zan loh vangin, Mualá¹huam North aá¹angin TBC Sumo nen hian zawimuanga kalin, an rawn inchhawm a, chetsualna hmun an thlen hian a hmaa tlan Sang Sang Sumo hian chak taka Truck lo tlan in a sut loh nan kawngchhakah a hel thei hram a, TBC Family Sumo hian vanduaina an pumpelh ve thei ta lo a ni. Truck Driver Lalhmelá¹haa hi PWD Truck thar, Lawngtlaia dah tur a ni a, Truck hi daily rate (Rs. 1000) hlawh a khalh tura PWD hotuten an rawih nia thudawn a ni. Smah chauhin Truck ah hian a chuang a ni.)
Helai Truck leh Sumo insutna bawr velah hian tunhma aá¹angin chetsualna a lo thleng zauh zauh tawh a. Thenzawl khawchhunga World Bank kawng kan tih mai hi a kawng a zalin, a mam á¹ha a, lirthei an tlan chak á¹hin hle a. Chhiatna leh vanduaina a thlen zel loh a, mipui him zawk nan Thenzawl khawchhung hmun engemawzatah hian Speed Breaker siam a á¹ul hle niin a lang.
Liantluanga Renthlei,
Editor, Vantawng Newspaper & Stinger
DDK, Thenzawl
Post a Comment