Vawiin Dt. 14. 5. 18 hian kumin February thlaa Lei chimna Tuirini luiah Chalfilh Group YMA leh Sesawng Jt. YMA te hnatlang runpui neih a ni.
Kumin fur ruahtui tlak tan atang khan Tuirini lui hi lian nghalin a helna tur atana PWD in kawng an siam chu vawi engemawzat tuiin chimpilin mihring leh lirthei kal theih lohin a lo awm tawh a. Chalfilh Group YMA Committee chuan he harsatna sukiang tur leh a theih ang ang a hma la turin vawiin hian hnatlang runpui a ko ta a ni.
Vawiin Chalfilh Group YMA hnatlang runpuiah hian Chalfilh Group huam chhunga YMA Branch 27 atangin Member 1173 zet an thawk chhuak a. PWD lam atangin JCB leh hmanraw dang mamawh a tul ang ang bakah hnatlangte ei leh in tur tum sak an ni. Luiah hian 'lungrêng' siam a ni a. He 'lungreng' hi tuna tui luanna chin atanga tehin 5ft vel zet a sang a ni. Beisei dan chuan Furpui thlen hma chu tangkai hle tura ngaih niin Furpui tak takah erawh a la manganthlak hle tur thu dawn a ni.
Hetih lai hian Sesawng VC te leh Joint YMA te chuan an ram chin huam chhung Tuirini kamah tuilian avanga tangkhangte chawlhbuk tur sain an hnatlang bawk a. Chawlhbuk sakna hmanraw mamawh leh hnatlang sum senso hi Thingsulthliah BDO chuan a tum sak bawk a ni. - Zorammawia Colney
Post a Comment