Zemabawk Beraw Lui Quarry chima thiZemabawk Beraw Lui Quarry chima thi mi pali te chu Chief Minister Pu Lal Thanhawla chuan nimin khan Zemabawk Local Council kaltlangin a ral a. Chhiat tawk chhungkuate hnenah hian cheng sing 5 theuh a hlan a ni.

Puan tawh angin, Inrinnia Zemabawk Beraw lui-a lung quarry chim-in mi 4 a chhilh hlum a, an ruang te hi lakchhuah kim theih lawk a ni lova, Inrinni khan an zinga pahnih Linda Hmingthianghlimi kum 14, Zemabawk Bethel veng leh Lalremzovi kum 10 Zemabawk-te ruang hi hmuh a lak chhuah nghal an ni a. Zan lamah ruang zawn hna hi chawlh sanin Pathianni zing a\ang khan lei laihna khawl hmanga thawh chhunzawm leh a ni a. Lalremzovi nu, Linda Zorinpuii kum 32 leh Pu Munga kum 40 mi te ruang chu chawhma lam khan hmu-in lak chhuah leh a ni a. Aizawl Civil Hospital-ah post-mortem a nih hnu-in vui turin an chhungte hnenah an ruang hi hlan a ni.

Helai hmuna hnathawk LPK Tipper khalhtu Vanlalhuma, quarry chim lai a mit ngeia hmutu chuan helai hmunah hian mi 10 velin lirthei-ah lung an hlang a, a chanve vel an hlang tawh tihin kopang chu a rawn chim thut niin a sawi a. Lung hlangtute zinga pakhat hi lung lakna hmun puk atang hian a tlanchhuak ve hman ta lo a, an sira rawra chhu mi 3 chu a chhilh bawk niin a sawi.-AIR News Aizawl

Post a Comment

Powered by Blogger.