- Team Jason The Car Decor (MIZO CAR BAZAR)


Motor hlui lei dawn hian heng hi ngaihtuah tel ngei ngei tur.


1. Model tawp tawh motor lei loh a tha:

CAR SECONDHAND  SALEMOTOR reng reng sales that loh vang te that tawklohna awm vang te in a ai tha siam in a product an ti tawp thin. Motor neitu ten, "A parts a awm reng tho a hlauhawm loh," an tih avang khan awih ngawt suh, a motor ber pawh an tih tawp tawh chuan a parts an siam reng ring duh suh. I siam tur nise heti angah sum i invest lo ang tih i chian ang bawk khan a motor ber pawh siam duh tawh loh hnu a a part tal la siam tura rin kha a fuh ber lo. Tunah emaw kum 2 hnu-ah emaw a parts ila mamawh kher lo maithei mahse kum 5 hnu ah chuan i mamawh ngei ngei dawn, chutah chuan i motor khan spare parts a mamawh dawn a, lei tur i hmuh pawhin duplicate bak a vang duh khawp. Duplicate parts te hi a din tawp aiah chuan a hman ve theih chauh tih ang vel a ni. Chuvangin i motor kha parts pakhat lek that loh vanga ding tawp tura i duh loh chuan product tawp tawh chiang sa hi a tlawm uchuak (throw away price) anih ngawt loh chuan lei lo ang che.






Hei hi vai ho hian an hrechiang khop a an motor la tha pui pui tlawm tak tak in, kum tamlo te an hman poh an hralh leh duh thin keini a hrethui vaklo ten tifuh inti deuhin lawm takin kan lo lei thin zawng anih hi.

(a) Duplicate parts hi a tlo lo: MOTOR tam tak hralh duh vanga cheithar vur ah hian original parts an hmang phal ngai lo. An hralh dawn chhung tha taka a function theih nan parts man tlawm vuah khawm in hralh an tum thin. Chuvangin hralh dawn vanga cheithar vur ho hi chu lei loh a him thin. Thla tlemte a tlana a chhe leh mai duh khawp mai.

(b) Eng ho nge model tawp chu?: Maruti ah chuan 800, Alto, Zen, A-Star, Ritz, Baleno, Esteem, Versa etc. Hyundai ah chuan Santro, i10, Getz, Accent etc. Tata ah chuan Safari, Indica, Sumo Grande etc. Chevrolet ho hi product zawng zawng India-ah a tawp vek tawh tih hre tel bawk ila chuvangin tuna la thar tha tak pawh hi kum a ral leh meuh chuan parts lei tur a vang khawp ang. Fiat ho reng reng hi after sales service chhe tawp anih vangin motor tha tak ding tawl a tam tih hria la ngaina lo phawt rawh.


secondhand car buy and sell

2. Body Check tur lai te: 
Motor te hi a body ah sum sen a hautak em em tih hriat a tha a a tam zawk chua, "A engine ber a that chuan a body chu chei theih alawm," an ti thin. Mahse keini team in kan ngaihdan nghet tak chu, " A body mar in nalh viau phawt rawhse," tih hi a ni. A engine te chu part thlak in emaw a engine chawp pawh a a thar hlaka thlak theih a ni a, body thar a thlak tur erawh chuan a buaithlak fu si. A body chei thar a rawng thar kap tur vel chuan neuh neuh nen sing 5 sen a harlo fu.






A pawimawh em em pakhat chu a APRON an tih mai, a headlight atanga a body-a ava invuahna lai phei hi sut sawih a, thlak tawh anih chuan a siam dik theih tawh loh tluk a ni. Siam dikloh a pawina chu alignments a dik thei tawh lo a, a ke a ral chak ta a a ke a ral zung zung tawh thin.

A kawngkhar khar bur bur ngai tawh te hi lei loh a tha. Tin, a glass machine a chak em tih te check vek a tha bawk.

3. Electric line: 
Tunlai motor changkang ho chu hote hmang in a chhe khut thei a, heng ho hi a part vang leh man to te a ni duh thin. Modified tawh a ni em? Engvang nge? tih te check that vek a ngai a ni. Central lock leh power windows/steering chak dan en a ngai bawk.

4. Tyres: 
secondhand car buy and sellMotor tyres ral tawh hi hralh dawn hian a thar man a to vangin thlak lo a hralh law law an duh thin. I lei atanga reilote-ah a tyre man sing tel i phawrh a ngai dawn tih hria la a tyre thar man tur nawr hniam nan hmang ang che.

5. Documents:
Tax leh insurance te loan hmanga lak a ni em tih te check uluk ang che. Mi tamtak chuan loan in motor an la a rul leh tha silo in an motor an hralh a, hengah hian miin harsatna an lo tawk nasa tawh hle in, sum an hlauh duai duai tawh tih hria ang che. Loan lakna/finance motor loan petu ten an chhuhsak an tam khawp.






Tin, tunlai-ah Refinance te an ti leh zel a full payment a motor an lakchhuah tawh pawh loan bawk in a leh leh theih a ni. Tin, heng refinance kan tih ho hi document-ah loan a lak ani tih inziaklo a awm fur mai. Hei hi a chhan min hrilhfiah zau deuh thei se awm se kan lawm ngawt ang. A chhan chu loan a motor lak reng reng hi a latu ta ni lovin loan petu in a latu hnen-ah loan a rulh zawh hma chu a hawh tir liau liau a ni. Chuti anih si chuan kha motor kha loan petu ta ala ni reng a ni. A rulh zoh hma chu a ta anih miau loh avangin a hralh pawh a thianglo a, mahse refinance tam tak-ah loan tih a inziahloh avangin loan a an lak thup in midang hrelo zawk hnen-ah an hralh thei tlat. Loan kha rulh chhunzawm loh lo ni tase an rulh chhunzawm loh chhan pawh rokhawlhna vang te, sual vang te pawh a ni thei ang. A chhan chu engpawh ni tase rulh anih muai loh kha chuan loan pe tu chuan a motor chu a zawn ngei a ngai si. Tichuan loan rul lo motor man tur zawngin nitin an tei chhuak chu anih hi. Khatiang motor kha ilo lei palh vaih chuan i leinate nena sale letter in ziah ringawt khan a chhan zo dawnlo che a i pawisa leh motor i chan thei daih zu nia. fimkhur ava ngai tak em!

6. Diesel vs Petrol Engine: 





Diesel engine te hi tha zawk mah nise a sensitive em em a kan fuel te a that tawk loh vangin injector siam a ngai fo thin. Injector siam hian sing 3 chu a kal zung zung tih hria la, injector siamna tur ngaihtuah reng a ngai tih vawng ang che. Petrol engine hi a running cost (petrol man) te a to vangin hman nasat chuan sum a kal chak hle, petrol man a to vangin. Hetih lai hian a spare parts lamah petrol engine a tlawm zawk zel tih lo hre ve tel mai mai la.

7. Phai vs Mizoram: 
Phai secondhand hi parts leh labour charge a tlawm vangin nalh vur in an chhuah thei reng tih hria la. Mizoram secondhand chu a rintlak in a thlanawm fo thin. Chutih rual in Mizo tam tak motor enkawlnan a sum sihchhuah sak leh har tak an awm thin vangin uluk tur anga uluk lo hi an tam hle bawk. A model leh man in ang ah local a that zawk rualin a tlawm mawh vangin phai secondhand kan lei tam hle. Mizo chuan kum 1 ah Km 10000 - 20000 a tam berah kan tlan thin, chutih laiin phaiah chuan kum 1 ah Km 30000 aia tlem an tlan mang lo, chuvangin a Km meter reading ah innghat bur lo la heng hmang hian i lo chhut tel ve tho dawn nia.

Aizawl car bazarTin, thil tlawm leh tha chu tupaw'n kn zawng vek a, mahse ngatinge Mizo te hian kan ngaihtuahna hi kan senthui peihloh thin le aw! Chiahpuam chungchangah te, tin, 'Chi avang dawn,' an ti a, Chi kan lei khawm ruih leh a kawltu pawn a man ai to a alo zawrh ngawt te ngaihtuah hian kan ngaihtuahna kan sen thui loh zia a lang a, kan hnam rilru that vang leh mi kan rin hma vang pawh ni fahmiang, hnamdang hian bum nuam hi min ti em em a ni.

Ni e, a tlawm leh tha chu a duhawm tehmeuh mai mahse tlawm lutuk anga min rawn offer te kan bawh ruak ruak hian kan chesual chawk asin. A tlawm chhan em em kha eng nge anih tih hi kan chhut thui peih ngang lo a, mihausa ta a ni a, doctor motor ania, te kan ti liam mai a. A dik taka sawi chuan mi hausa apiang leh fing apiang te hi pawisa-ah an fir a Mizo te angin neih zawng zawng leh loan puk chawp chungin motor an lei ve ngailo.

Poisa hlutna an hrechiang in an uikawm em em zawk a ni. Chuvang chuan Rs 800,000/- a a motor lei kha tu vai mihausa emo doctor pawhin mawl takin a motor value aia tlawm daihin Rs 300,000/- vela a hralh phal ring suh . A tlawm em em chhan kha hre lo mahla ringhlel ngam zawk la i chesual lo fo ang.

Hawh u, bum in i awm lo teh ang u. A tlangpuiin Mizote chuan kan neih zawng zawng khawnkhawm in motor kan lei thin tlangpui si a buaina tawk leh buma awm ten min rawn pan chang hian rilru a hrehawm in kan ngaihtuah thui loh zia ngaihtuah hian thin te hi a rim zawk thei hial nia.

NOC mumal loh vanga register theilo, motor lo lei laklawh tawh ringawt, tangkhang ta tw hi engzat tak awm ang maw!?






8. Mi tupawh in, "Ka account-ah pawisa rawn thun la, khawi emaw atangin motor tha tak ka lo thawn ang che," an ti a. Offer a that em avangin rinna kan nghat nghal a, a tlawm tha kan bawh luatah beiseina sang tak nen, a motor pawh a taka hmu hauh lovin pawisa chu kan han pe ta thin a ni a. Kan ngaihtuah chian loh chu motor kha an rawn thawn ngei ang em? A paper a fel ang em? Eng condition nge anih ang? Refinance te alo ni ang em? Ruk te alo ni ang em? Heng zawng zawng hi felfai vek pawh ni se thui tak a rawn kal dawn a kawnglak ah eng nge a tawh palh theih? Himdam takin alo thleng meuh ang mo?? Lo thleng ta pawh ni se i register thei ang em? Thei ta la engzatge i insen ngai? Heng zawng zawng hi ngaihtuah vek a rul asin.

buy and sell mizoramA tlawm emaw kan tih hi a tak ramah chuan a lo tlawm miahlo zawk thei a. Tin, pawisa thin hnu a reh ta vang vang pawh an awm thei. A tha ber ah chuan a tlawm uchuak kan in umsiakna ah hian bum in kan awm tam ta e. I fing tawh teh ang u khai.

Tu bussiness mah Jason Team te hian sawichhiat kan tum lo a kan Mizo pui te rilru hah taka an awm kan hmuh fo avanga fimkhur dan tur zirtir mai a ni kan duh.

Ni e, heng kan sawi tam tak karah pawh hian mitha leh fel, rintlak, motor rawn thawn thin pawh an awm ngei tih kan hai lo a ni. A tha ber ah chuan kan thil lei tur leh a man a inphu tawk em tih hi kan tehkhawng ni fo sela a tlawm viau chuan eng nge a chhan hriat tum ila, a tlawm kan um lutukna lamah kan tawlhthlu tam tawk tawh e. Tun atang chuan lo fimkhur tawh la bum in lo awm tawh lo la, i pawisa neihsa ve ang ang kha a thawhchhuah a har zia i hria e.

Heng te hi uluk taka i check loh chuan motor thar leina pawh ui si khan tullo ah sum tam tak i khawhral thei dawn a ni tih hre reng ang che.

Min be rawn duh emaw zawhna min zawt duh anih pawh in, kan hriat vek vang leh midang aia kan hriat ril vang ni hauh lovin, kan hriat ve ang ang hmanga thurawn lo pek ve che hi
Jason The Car Decor Team te hian kan inhuam reng e.

Regards.

Team Jason The Car Decor
MIZO CAR BAZAR

Post a Comment

Powered by Blogger.