Central YMA hruaituten Myanmar ram Khawmawi khuaah - TIMES OF MIZORAM

Breaking

Home Top Ad

Post Top Ad

Central YMA hruaituten Myanmar ram Khawmawi khuaah

Central YMA hruaituten Myanmar Mizorama ruihhlo hlaur lutuk chungchangah Central YMA chuan Myanmar ram chhunga Khawmawi khua cheng, Ruihhlo zuartu liante chu an thil tih sim turin a ngen.

Mizorama ruihhlo Heroin lo lut zawng zawng zinga zaa 99 lo luhna nia hriat, Tiau kama Khawmawi-ah a vawi 1-na atan Central YMA chuan ruihhlo zuartute’n an zawrh tawh loh nan hmalak tha a tih angin an khawtlang hruaitu VC leh Tlawmngai Pawl (RLYA) hruaitute phungbawma sawmin ruihhlo zuartu lian tak tak 15 te chu khawtlang rorelna In, VC House-ah koh khawm an ni a. 





Hetah hian Central YMA hruaitute chuan Mizorama ruihhlo avanga thalai tam tak an boral tawh thu leh sang tam tak Home leh Centre-ah enkawl mek an nih thu te leh sualna dang tam tak a pun nasat avangin Mizo mipuite chuan ruihhlo hi theihtawp chhuaha tihrem an duh tawh thu sawiin, ruihhlo zuarte chu sim ngei turin an ngen a, an la sim lo a nih chuan a tul anga an khawtlang hruaitute nen thuneitu - Myanmar Police emaw Sipai emaw hnenah an hlan thin tawh tur thu an hrilh a ni.





Inhmuhkhawmnaa tel lo ruihhlo zuartu thenkhatte chu an chenna Inah lenchilhin sim turin an ngen bawk a. Ruihhlo zuartu thenkhat erawh chuan an chenna In hi kalhin an tawm bo a ni.
Central YMA Team hi President Pu Vanlalruata hoin mi 9 an ni a, Zokhawthar YMA hruaituten an lo tawiawm a. Hun remchang tha tak lo ruahmanpuitu Khawmawi khawtlang hruaitute chungah Central YMA chuan lawmthu a sawi a ni. - AIR News Aizawl

No comments:

Post a Comment

Post Bottom Ad