Thil pawimawh taka chuEi
leh in hian kawngro a
su hle tih a ni a,
zirchian-na thar ber atanga a
lan dan phei chuan Sa ei tam
hian mihring siam theihna 'chi'
a tihniam tulh tulh tih a ni a,
chuvang chuan, thlaihnah leh
thlairah bakah Be lam chi ei
uar hle a ngai ang.
Naupai duh tawh si, pai
hleih theih lohna hi thil hahthlak
leh buaipui tham a tling
tak meuh meuhva, Spanish
mithiam te chuan mipa 'chi'
tipung tur hian sa leh thil
mawm ei tlem hi mamawh
chhanna lian tak a tling an ti.
Chutih laiin, Harvard university
chuan hmeichhiate'n ei
leh in an duh tui loh hian naupai
theihna chance 80% zet
an hloh tih an sawi ve bawk.
Anih chuan eng hi nge ei
tur tha chu ni a, eng hian nge
naupai theihna tisangtu chu ni
ta ang le?
MIPA TAN
Sangha (oily fish): Fatty
acids (EFAs), omega-3 leh
omega-6 oils awmna hnâr lian
tak a ni a, chi thanlennan a
banpui te an ni a, an quality a
titha a, a tiharh vang bawk.
Ei dan tur: Chawlhkar
khatah pakhat atanga pali
thleng ni thei se.
Zinc: Hei hi Bean, theimu
leh artui bakah strawberriesah
te a tam hle a, chi tan innghahna
lungpui ang a ni thei
hial.
Ei dan tur: Nikhatah zinc
15mg lakluh anih hian chhan
hrang hrang vanga taksaa
chhiat tawk ve thei 'chi' te hi a
siam tha nghal zung zung.
Purunvar: Antioxidant
chak tak mai, 'Selenium'
awmna a ni a, 'chi' chak tak a
nih theihnan a pawimawh dan
hi sawi nep ngaihna a awm lo.
Ei dan tur: A kawr kheh
hnu-a ei nghal mai lovin,
minute 5 vel hnu-a ei hian a
thawh tur angin a thawk chak
zawk a, nikhatah pum 2-3 tal
hi chu ei ziah tur a ni.
HMEICHHE TAN
Bawnghnute (diary)
atanga siam thau:
Harvard university-a
mithiam te chuan nikhata diary
atanga siam ei thin hmeichhia
te hian naupai harsatna tur
hmun li-a thena hmun khat hi
an paih bo anga ngaih a ni an
ti a, dairy-a thau (fat) awm
hian Chhul (ovary) hnathawh
a tanpui tih a ni bawk.
Ei dan tur: Nikhata
bawnghnute no khat in hi a
tawk viau.
Tui (water): Hmeichhe tui (egg) tithar
tur leh chhul bang (lining) vela
thisen mamawh pe char char
turin tui hian tangkaina lian tak
a nei a, tui i in tlem anih vaih
chuan buai mangannain a
hmuak nghal mai dawn che a
ni. Chaw ei kham leh chaw
hma hun reilote ah inloh tur.
In dan tur: Nikhata tui no
8 tal in tur. Thei tui hrisel tak in
tel a tha bawk.
Arsa: Sa-ah hian protein a
awm a, sa-ah pawh Arsa hian
thau (fat) a pai tlem hle a, tui
siamchhuahnan thil pawimawh
a tling.
Ei dan tur: Hmeichhia te
hian nikhatah protein 45gm
bak an mamawh lem lova,
vawikhata ei nghek emaw ei
deuh rengte hi a tha chuang
lova, a awm tawk hriat a pawimawh
hle.
Serthlum leh Thlaihnah:
Serthlum, carrot leh Theihai-ah
te hian, 'beta-carotene'
a tam em em a, hei hi taksaa
lakluh anih chiah khan vitamin
A-ah a inlet nghal a, chuan
hmeichhe 'sex hormones'
siamchhuahnan nasa takin a
pui thin a ni.
Ei dan tur: Chaw ei khamah
Theihai emaw serthlum ei
thin ni se, chhun lamah carrotin
zui rawh se.
Ni e, ei leh in a pawimawh
rualin, zuk leh hmuamah pawh
insum/fihlim a ngai hle. Ei leh
in duh tui si a, zuk leh hmuam
ti nasa bawk si i nih erawh
chuan heng thil thate hian i
taksa leh thlarau nunah
thleng-in awmzia an nei ngai
lovang. Kawng engkima insum
hi a ngai hle a ni. Hengte hi
tum chuan a theih tih i hria e. -Zozam Times
Post a Comment