~Lallunghnema, Charity Lodge
Consumer
Movement-in
mipui rilrua
kua a hreuh
thuk tial tial
laiin Mizoram mipui rilru
chu MLA inthlan boruakin
min chim chho leh tan mek
a. MLA nih chak, ram
hmangaihtu inti, hmangaihtu
der kan pung leh ta
hluai mai. He boruak nasa
tak hian hun engemawchen
chu min chamchilh
leh ngei dawn a. Inthlanna
ah mitin, mitang kan inrawlh
leh ngei ang a, sawrkar
hnathawk lo tawh phawt
chu eng party berah
hian emaw chuan kan intat
lut leh ang; politician ze
ropui paihin politician lem
kawr kan ha leh fur dawn a
ni. Chutihlai karah keini
Consumer Activist te chu
kan hawihai leh rih ang a;
mipui chanvo humhalhna
kawngah kan hnufun leh
ngei bawk ang. Sawrkar
hna thawhho zingah
tan lam nei tam takin a
rukin MLA candidate-te an
Campaign pui ve leh ngei
bawk dawn a ni.
Inthlan kan zo ang a, ram
hmangaihtu der tam tak an
tling ang; hmangaihtu dik
tak an awm leh mang lovang.
Mahni inhaivurnan
an hun tam zawk an hmang
leh ang a, an ngaihtuahna
pawh anmahni tan an seng
leh hle dawn a ni. Ram leh
hnam chu anmahni hamthatna
hnung daihah an
dah ang a; a rukin ram chu
a tluchhe tual tual thung
ang. Mahni dinchhuahna a
nih dawn phawt chuan engmah
kan pawisa leh lo ang
a; run dalah ram tan kan fehchhuak
ve chauh dawn a
ni. A hming chauhvin ram
kan hmangaih ang a, thinlung
erawh chuan kan ram
kan hmangaih leh tak tak
lovang. Mahni indah thain
ram tana rinawm leh ram
hmangiah turin mipui kan
fuih ang a; mahniin dan
bawhchhia in ram kan
phatsan leh si ang. Mipuite
chu eiru lo tur leh hlemhletna
lak ata inthiarfihlim
turin kan chahin kan fuih
ang. Mahse, eiruk leh ber
ka nih avangin eiruk leh
hlemhlet chu kan hnapui
ber a ni fan ang. Hetih hunlai
hian mipui kan lo cher
tha leh ang a, chan- vo chan
tur pawh kan nei lovang.
Seihlei insahthlaksakna khuarkhurum
ah mipui min
hnuklut ang a; eirukna tuikhuah
ah min chentir ang.
Hetiang ang thu kan sawi
hian tuna ministry kan
tihna erawh a ni lo. Lo awm
tawh leh lo awm mekte, lo
la awm tur politician lem
ho kan sawina mai chauh a
ni. Tute tih bik kan nei lo;
politician lem, party politician
zawng kan tam chiang a ni!
Hengho hian ram mipui an hruai
khawlo va, chuvangin politics tui
thianghlim ata inthiarfihlim hram
se kan ti a ni. Zu ruih loh avanga
thianghlim leh fel inti, zu zawrh
huat avanga serafim ang tluka
insawi thianghlim kan inlar sup
sup tan mek a. Sual nei lo chuan
deng rawh se, kan ti thin a ni. Kei
zawng consumer politics hi mawi
ka la ti ber mai.
Kan thupuiah kan lut tawh ang,
Consumer Breaking News chu kan
thu chhawpchhuah a ni. Zarkawt
tlangval, (Pu Hawla ni lovin) kan
unaupa Pu F. Ngurbiakvela hian
tuk khat chu min lo phone a. Mobile
phone handset an lei na a
harsatna an tawh thu leh tanpui an
ngaih zia min hrilh a. Kan inbia a,
kan sawi dun a, hetiang hian an
harsatna chu min hrilh a ni.
Samsung Company Mobile handset
pakhat an nei a; an tangkaipui hle.
Mahse a chhiat avangin an leina
dawrkai hnenah a chhiat thu an report
a; siam turin dawrah chuan an
dah a. Mahse, thla eng emaw zat an
mobile handset chu an dah hnuin
an siam that sak ta bawk lova,
chhua- nlam fahrah te te an siam a;
an lo tihkhawtlai sak thin a ni. Pu
Ngura fapa hian a zinna atan a
tangkaipu hle. An mangang chuan
ka puihna an ngen ve khangkang
chu niin thil awmzia min hrilh hnu
chuan tihdan turte ka lo hrilh a. A
tul chuan dawr kai pawh ka biak
sak hreh loh thute Consumer Protection
chungcha- ngte chu phone
kaltlangin kan sawi dun ta chiam a.
Anni, Pu Ngurate chuan he
dawrkaipa hi Consumer Forum,
Tuikhuahtlangah an khing ta a;
Forum in version thehlut tura an
tih hnuin an Mobile Phone chu a lo
siamthat sak ta thuai a. An inkhin
tak tak hmain an inrem leh thei ta
a. Mobile phone tha tak an nei leh
ta bawk a ni. Hei hi tuna kan Consumer
Breaking News chu a ni.
Hetiang thu ka sawi hian chhan a
nei a. Mitinin chanvo leh dikna kan
nei. Kan chanvo leh dikna mi petu
chu Consumer Protection Act a ni.
Mahse, Politics tuinu in min chiahin
Van lam thil aiin khawvel politics
tuinu a inbual kan duh zawk.
Pathian politics khel lovin setana
politics nuam kan ti zawk. Reilote
lala hmingchhiat hrep ai chuan
tlawm taka consumerte harsatna
ngaihthla keuh keuh a, an harsatna
buaipui ka chaw tui ber a la ni.
Heng thil ka tih avanga mi a nih ka
hlawh a, ka lo rethei deuh a nih
pawhin pawi ka ti lo. Kan mite an
thawven phawt chuan phuar
chauh pawh ni lovin thih pawh kan
huam ve mai tur lah ni le. Tual thah
te, eirukte aiin mipui rawngbawla
retheihna hi a thlanawm zawk.
Kan Breaking News-ah hian
mimal hming ka lam a; ani kan
hming tarlan unaupa pawhin
tha min tihpui a, a tha lutuk a ti
a ni. Kan buaipui Consumer
Right Protection hi mi thenkhat
chuan in lo ning mai thei. Kei
pawhin ka nin chang a awm;
mahse ning thei kan ni si lo a
nih hi; kan breaking zel ang; lo
chhiar zel rawh u.
Post a Comment