An rawn inlar leh ta!
Tunlai Hollywood
chhungkuaa inngaizawng
boruak nei lian
ber zingah Priyanka Chopra
leh Nick Jonas te hi an lang
tih a chiang. Kar eng emaw
zat kalta atang khan anni
pahnih chanchin hi sawi tur
a tam hle.
Anni hian aw-ka
chhuah lo mah se, an awmdan
leh thlalak rawn inlar
atang chuan an in date ngei
a ni tih an rawn nemnghet
thin nite pawhin a lang.
Social media lamah
Priyanka Chopra leh Nick
Jonas te hi an tam hle. An
thlalak in comment sak dan
atangte rengin rinhlelh rual
an ni lo a. Sawi tak angin
anni pahnih hian an inngaihzawn
thu hi la sawi chiah
lo mah se, thawnthu dang
hi an chhawpchhuak leh
thin.
JFK Airport-ah an inzui
lai thlalak kan hmuh hnuah,
report tharlam berah
chuan, actress hian Nick-a
cousin inneihnaah a tel pui
tih a chiang a. Atlantic City,
New Jersey-a ceremony-ah
chuan PeeCee chuan chartreus
outfit a inbel a, Nick
erawh navy blue suit nen a
ri zaih thung. Inrinni khan
mo lawmnaah an kal dun a
ni.
PeeCee leh Nick Jonas
te hi an pawn chhuak lai
thlalak internet-ah a pung
chak viau mai. Hun leh
hmun hrang hrangah an
inzui chhuak nasa tih a chiang
a. An inngaihzawn laia
an thlalak te hi inneih
thlalak hian a rawn umzui
thuai lo ang tih pawh a sawi
theih hauh loh.
-Zozam Times
-Zozam Times
Post a Comment