Hriat loh karah fur chu
kan han thleng leh ta
der mai a, ruah sur
karah buai ngaiin kan la buai
zel chu a ni si a. Fur lai hi
chuan inchei dan thiam a harin
nalh a har khawp a, mahse a
hnuaia inenkawl dan tarlan
ang hian lo inenkawl la, i sam
leh vun pawh nalh takin i
vawng thei ang.
Kan vun awmdan azirin kan
lang upain kan lang naupang
thei a, hei vang hi a ni ang vun
hi kan thian tha ber leh
hmelma lian ber a ni thei e an
lo tih thin. Kan hriselna a that a
kan hlim bawk chuan kan
vunah hian a lo lang mai thei
a, kan lungngaih erawh chuan
vun a nung lovin inchei a tui
awm loh thin a ni. Hun rei tak
vun enkawl lova kan thlahthlam
hnua man to tak taka han
incheibawl leh ngawt hi a sawt
lem lo a, regular taka man
tlawm leh tha a kan inenkawl
hian kan vun pawhin a ngeih
zawk a ni. Ruah tui hi toner tha
tak a niin vunin a ngeih em em
a, i hmaiah han theh thawt
thawt la a nalin a nem sawt
ang. Vun hi inthuah a ni a, a
chung zawkah hian tui 10-20%
a awm tur a ni a,10% aia tui a
lo tlem chuan vun a ro mai
bakah phuhlip te pawh a lo
awm thin a ni.
Fur laia vun a ro nachhan
pakhat chu thli a ni a, moisturiser
uar taka inhnawih a
pawi loh lai tak a ni. Make-up
hmang lo thei lo i nih pawhin
fur lai chuan a tlem thei ang
ber hmang la, eye-liner leh
mascara pawh water-proof
hmang la, ruah do a ngaih
chang pawhin i buai lo sawt
ang. Tin, vitamin E cream leh
lotion te hi vun ro tan a that bik
avangin fur lai chuan hmang
ang che.
Fur laia buaipui ngai chu luphut
a ni a,s am mawm leh ro
tan pawh enkawl a ngaihzual
lai tak a ni. Thli leh ruah do a lo
ngai a, hei vang hian sam
pawh lo rovin luphut a lo awm
hma ta thin a. Chuvangin, fur
lai chuan shampoo pawh a
chak lo chi hman a tha a, a
pangngai chi anih pawhin
tlemte chauh hmang ang che.
Shampoo i hman zawhin conditioner
hmang la, chu chuan
sam pheng tur a veng ang. i
sam i massage dawnin oil i
hman tur kha chhuang sa
phawt la, hnawih thin ang che.
sam a sei anih pawhin tawn
thin la, sam ro lutuk tur i veng
thei ang. Vun mawm nei i nih
pawhin sahbawn hmang lovin
astringent in i hmai tifai thin la,
vun ro nei i nih erawh chuan
astringent mai bakah rosewater
hmang thin ang che. Astringent
i hman zawhah vurin
nuai leh la, chu chuan i vun kua a sawr zimin make-up
hman hmaa i tih phei chuan i
make-up hman khan a awh rei
ang.
Fur lai chuan ke a berh duh
hle a, i kal chhuah dawnin
pheikhawk pum, a hnuai nal lo
bun chhuak thin ang che. i ke
a lo huh anih pawhin silfai la,
hul taka hruin mawm hnawih
nghal ang che. Thawmhnaw
inbel turah pawh fimkhur la, tui
pawm lo chi leh ro hma tur
thlang thiam la, nylon terylene
lam a tih chi khawp mai. Ruah
tlak tam lai hi chuan thlasik
ang deuhin kawr rawng lar tak
tak hak a pawi lo a, lipstick
pawh rawng lar hnawih la, i
mawipui zawk ang. Egg mask
hi karkhatah vawikhat tal tih a
tha a, hetiang hian buatsaih
ang che.
Artui var lai zawng hi la la,
chu chu sertui leh khawizu fiante
khat ve ve nen chawhpawlhin
darkar khat vel i hmaiah
chiah thin ang che. Chumi
zawhah tuilumin phih fai la, tuivawtin
phih leh ang che. i vun
a ro anih chuan artui hel
chhungmu pakhat leh bawnghnute
khar fiante khat chawhpawlh
la, rose-water tlem far
lehin chu chu i hmai chiah nan
minute 15 hmang ang che.
Ruahtui tam lai hi chuan inbual
te pawh hi a peihawm lo
lehzual a, mahse engang vun
pawh nei la, enkawl fai a ngaih
hun lai ber a ni. Vun ro i nei
anih chuan i inbualna tur tuiah
kha oil tlem telh thin la, a ziaawm
ang. Vun mam leh no
neih nan inbualna tur tuia
bawnghnute tlem telh hi a tha
khawp mai. i vun a zur deuha i
hriat chuan inbualna tur tuiah
khan sertui far la, i inbual zawhah
chuan i vun a lo mar
sawt ang. Pangpar i nei ngah
a, bath-tub i nei remchang
anih phei chuan i pangpar par
lai zawng kha la la, bath-tub a i
inchiahnaah han telh teh, i rilru
leh i taksa a harh sawt mai
ang. inbualna sahbawn i lei
dawn reng rengin vun mawm
leh vun ro tana siam te en la, i
vun mil zawng lei thin ang che.
Make-up hmang thin i nih
chuan make-up hmang ngai lo
te aiin i vun a bal tih hria la,
zing lutuk lovin face scrub
hmang ang che. Face scrub hi
kiu leh khup dum tan a tha
bawk a, regular taka i hman
chuan i kiu leh khup dum a ziaawm
ngei ang. Vun mawm
arngeng nei i nih chuan ser hi
phel la, chu chuan i hmai
minute 10 vel hru thin ang che.
Sertui hi luphut nei tan a tha
hle bawk a, i sam i massage
na tur tel ah khan telh thin ang
che. i thisen leh pumpui tifai
turin sertui leh tuilum chawhpawlh
zing tin in thin ang che.
Source: Zozam Times
Post a Comment