AIZAWL EAST-II MUP TEN HELICOPTER IN AIZAWL AN FANG(MUP Member 100 thlanchhuah ten Helicopter an chuang dawn)
Hun rei tak atanga Aizawl East-II Area MUP leh NECS Chairman & CMD Pu Robert Romawia Royte, Chhinga Veng ten kum upate hamthatna atana an thawhhona kal zelah vawiin ni 09.06.2018(Inrinni) khan Saron Veng Upa Pawl member 10, Area Leader leh hruaitute 5 techuan Thuampui Helipad atangin Helicopter-in Aizawl khawpui an fangkual.
Helicopter Ride neih hmaa hunserh tawi neih ah Pu Robert Romawia Royte chuan thusawiin – Upate chu hnam rohlu an ni a, an tana intihhlimna tur a buatsaih thei chu lawmawm a tih thu a sawiin Helicopter la chuang ngailote puala program buatsaih hi Mizo ten Upate zahna leh ngaihpawimawh nachang kan hriatzel nan a tangkai a beisei thu a sawi. Aizawl East-II Area MUP President Pu Rorehlova Sailo pawhin thusawiin – Pu Romawia Royte te chhungkuain hun reitak atang tawha Aizawl East-II huamchhunga MUP te an lo tanpui tawh thin dan sawilangin, an chhungkaw chunga MUP member te an lawmzia leh kumin kum 2018 Aizawl East-II MUP Meet sum cheng nuaih bi senga a sponsor tawh hnua MUP member te la tawn ngailoh ‘Helicopter Ride’ member 100 zet tana sum tamtak senga a buatsaihsak leh ta chu hriatreng tlak anih angin an hre reng dawn a ni tih a sawi. Pi B Lalthuami Saron vengin tawngtaina hun a hmang bawk.
Kum 2018 Aizawl East-II Area MUP Meet-a ‘Lengkhawm Zai’ intihsiaka 1-na an nih avangin Saron Veng MUP te hian “Helicopter Ride” hi an nei hmasa ber a, Aizawl East-II huamchhunga MUP Unit dang 6 – Chite, Dawrpui, Chhinga Veng, Tuithiang, Armed Veng leh Armed Veng South atanga MUP unit ten an thlanchhuah member 100 ten ‘Helicopter Ride’ hi a inchhawkin an nei zel dawn a ni.
Aizawl East-II Area MUP Dt 09-06-2018
Post a Comment