Mizorama Ayush Hospital

North East leh Mizorama Ayush Hospital awmchhun Thenzawl Tualvungi Venga Integrated Ayush Hospital chu vawiin khan an kum hnih tlin champha phak pualin vawiin khan an Hospitala hrisel kawng hrang hrang a enna, Test theihna an neih ang te a thlawnin, mipui a duh a piang an test sak.

Thenzawl Tualvungi Venga Integrated Ayush HospitalIntegrated Ayush Hospital ah hian tun dinhmunah Blood group enna, HB, Blood sugar, (Zunthlum), Thinlian, Malaria leh Typhoid Test na te an nei a. Vawiin hian Ayush Hospital mipui tana inentir theiha an kalpui kum 2 tlin pual/denchhenin heng te hi a thlawnin mipui tan an ti a, Thenzawla Integrated Ayush Hospital hi kum 2015 July ni 1 khan mipui tana inentir theihin hawn tan a ni a, a champha ni hi kumin hian Pathianni anih avangin a ni taka hetiang tih hi a remchan loh avang leh an Hospital kum 3 tlin puala mipui tana luanchhuah an duh si avangin, vawiinni hian hetiang hi an buatsaih ta niin Resident Medical Officer Dr. H.T. Zothanmawia chuan a sawi. 





Vawiina a thlawna in test tirna an buatsaih hi mipuiin an hlut hle a, mi 158 a thlawnin test chi hrang hrang hi an neihsak a ni.

Thenzawla Integrated Ayush Hospital hi kum 2016 July ni 1 khan Official a hawn anih hmain, mipui a mamawh apiang tana inentir theihin hawn tan a ni a, hawn anih atanga vawiinni thlengin mi 14951 an inentir tawh a, damlo Hospitala Admit mi 86 an awm tawh bawk a ni.

Liantluanga Renthlei
Editor, Vantawng & DDK
Thenzawl

Post a Comment

Powered by Blogger.