Lalnuntluanga Chhakchhuak
ZERO BALANCE ACCOUNT


Bank lamin a bikin SBI in minimum balance (Rs 3000 tanga 5000 inkar) maintain loh vanga cut an rawn uar takah chuan keini ram rethei ah chuan mi tamtak tan buaina tham a ni ve reng a. SBI in mimimum balance an tuk chin hi a la tlem viau zawk e bank dang nena khaikhin chuan. Bank dangah chuan singkhat a ni tlangpui. Citibank ah chuan nuaikhat.

Fully digital economy kan la nih loh vangin cash transaction a tam a, kan bazar dawn pawhin ATM ah te kan indraw chhuak chawp chuk chuk zel a nih kha. Hetiang anih vang hian bank ah Balance maintain a har zual phah bawk a tih theih awm e. Bank lam pawh dem ngawt theih an ni bik lova, khawvel ah hian engmah hi a free tak tak lo tih kan hriat a pawimawh a, service run a hautak a, hlep an neih ve a ngai. Bank in hlep an neih dan erawh kan post vek lovang.

Chutia mirethei kan lu a hai viau laiin thu lawmawm hriat tur a rawn chhuak ve leh ta. Chu thu lawmawm chu hei ngei hi a ni: Zero Balance Account a hawn theih!!.

Zero Balance Account hi digital India hnuaia program a nih ngei a rinawm, ka hriat sual loh chuan. Bank lar zual te chuan he plan hi an nei deuh fur tawh a, a hnuaiah hian saving account an hawn sak thei a, terms & conditions erawh a in ang lo fur mai. Mahse terms common zual bik erawh a awm a, a hnuaiah an terms leh ziarang intrawm tlangpui te i han sawi teh ang.

1. Minimum balance maintain a ngai lo. Balance 0 pawh ni reng se engmah chawi tur a awm lo.

2. Nuai 1 aia tam a dah theih loh tlangpui. Nuai khat aia a tam I deposit chuan bank thenkhat .ie Paytm Bank etc chuan automatic in Fixed deposit ah an convert. Nuai 1 aia tam dah theih loh vanga buai ho tan chuan hetiang account hi a trangkai lem lova, regular saving account hman mai tur a ni.

3. Rupay Virtual debit card (ATM Card) a chhawm tlangpui a. Vitual debit card awmzia chu I debit card kha a tak nilovin a thu in I nei tihna ani. Card number, Expiry date leh CVV te a nei a, online in thil a lei theih. ATM atang pawisa kan lachhuak duh a ni emaw, dawr ah kan swipe duh emaw a nih chuan Physical Debit card cheng Rs 200 vel chawia order mai tur a ni. Mobile App hmang veka tih tur.

ZERO BALANCE ACCOUNT4. Cheque book pawh a duh tan fee tlem chawia order mai tur a ni.

5. Mobile app hmanga operate tur an ni tlangpui.

6. Lehkha a form fillup a ngai lova, Mobile app atang in register mai tur a ni a. Aadhar card fillup a, OTP hmanga verify bawk tur a ni.

7. Full KYC a ngai tel bawk a, Full KYC chu bank a thawk emaw, agent emaw in I finger print an la anga, I aadhar card nen a inmil nge mil lo system in a verify ang, chu zawng chu.

8. Document I mamawh te chu Aaadhar card leh Pan card te an ni. Mizo ah chuan Pancard nei lo kan awm nual a rinawm, I lo la nei lo a nih chuan siam tir hmiah rawh le.

9. Kan sawi tawh angin kan duh leh mamawh te mahni leh mahni mobile app hmanga in serve tur a ni. Branch a va kal a ngai lova, kal chhen ngei lo tura program duan a ni bawk.

10. I bank hman a zirin cash deposit a buaithlak maithei. Cash income nei tan I hnathawhna I pu te kha digitaly a hlawh pe tur che in I hmin thei angem? Kan sum leh pai che vel hrim2 hi cash atrang digital ah I lut tawh ang u hmiang.

10. Saving account dang ang bawkin interest an nei ve, thra reuh lutuk.

11. Zoro balance account / Digital bank provider larzual te chu Kotak mahindra, SBI, Paytm, ICIC, HDFC, Axis bank te an ni. A dang pawh an awm nual eg. Airtel


Ka Experience:

Ka hnathawnna te hian salary account min hawn sak lem loh vangin ka SBI account neih sa ah an rawn deposit mai thrin a. Mahse sum inhrek a har thrin em a, ka thlatin hman tur leh ka dahthrat tur chin fel taka thliar ka duh ta a. Chutah tak chuan Paytm Bank an ka in register ve ta rawih mai. A tihdan lah chu awmsam phian. A hma atangin Paytm wallet ka hmang tawh sa hrim hrim a, mahse Paytm Bank erawh a la in activate lo. Paytm Bank activate tur chuan thil tlem te tih a ngai.

1. Paytm app hawng la, a chunga KYC tih tab ah luh leh la, AAdhar number fillup tur. Aadhar fillup zawh a, sms in aadhar OTP a rawn thleng anga chu chu enter leh mai tur a ni. Aadhar OTP verification chu I pass tha phawt e.

2. Step khat dang chiah a ngai ta. Sorkar thuchhuak angin finger print hmanga verify thlap a trul avangin Paytm hian tih dan chi hnih an nei a. Appoinment based leh KYC center based a ni. Appointment based ah chuan I address I enter anga, appoinment I set anga Paytm agent I awmna ah a rawn kal anga I finger print a rawn verify ang. KYC Center based ah erawh chuan mahni ngei KYC center ah va kal mai tur a ni. Paytm KYC center chu a tlangpuiin office nilovin dawr pangai an ni tlangpui. Finger print reader phone a connect chi an nei a, I phone number I hrilh anga chuan I finger print an la ang. Paytm terms ah chuan heng agent te hian pawisa engmah an la tur a ni lova mahse cheng Rs 20 vel min charge ta hram a. KYC center tih tab, paytm app ah han lut la I bul hnaia KYC center an rawn lang ang. A hnai ber kha chhinchhiah la va kal chilh rawh.

3. Engkim a fel hnu chuan I paytm App ah kal la, a bottom tab zingah khan Bank tih kha a lo in activate ang. Tah chuan banking tih nana I mamawh a lo awm mai dawn ani. Virtual debit card pawh a lo awm nghal ang, physical debit card duh chuan app hmang vek khan order mai tur. Phycal debit card man cheng Rs 125.

KOTAK 811 ve thung aw:

Kotak 811 hi zero balance account tha ber pawl a ni tlat. A registration process pawh Paytm ang bawkin Mobile app hmanga register tur a ni. AAdhar OTP leh Finger print verification process pawh a in ang thuak a, mahse Kotak erawh hi chuan KYC center an nei ve thluah lova an office a va kal mai tur a ni.


Kotak 811 App hi download la han try ve teh le.

SBI Insta Saving Account hawng duh tan:

Paytm leh Kotak 811 ka rawn sawi chhan chu ka hman tawh chin te an ni vang a ni a, hetiang chiah hi Axis bank te, SBI te, ICIC te etc pawhin an nei fur a, I duh thlang ve tawh mai rawh. Paytm hi mizoramah KYC a tih theih leh theih loh ka hre ta hauh lova, a lo tih theih loh a nih pawhin option dang a tam. I hmang duh tralh a ni chuan phaia I kal remchan laiin KYC center va pan zeuh a ni mai.

Post a Comment

Powered by Blogger.