MPSC One-Time Registration leh Online Application chu vawiin khan MPSC Mini-Examination Hall-ah MPSC Chairman Rev. Zosangliana Colney-in a hawng.

Online application
Rev. Zosangliana Colney chuan One-Time Registration leh Online Application thar neih nana ngaihtuahna sengtu leh hma latute hnenah lawmthu a sawi a. Application thar chuan sum leh pai leh hun tam tak sen a titlem ang, a ti a. India ram State tlemte zinga Online Application hmang thei zinga MPSC a awm chu a ropui takzet a; Information Technology hmangin sawrkar office tihchangtlun zel a nih bakah sawrkar office dawr tura mipuite buatsaihna nena hmalak a ni hi a lawmawm takzet a ni, a ti a. Application thar hi mipui lam tan liau liau a ni a, MPSC Office-a Assistant hna dil nan hman a ni nghal dawn a ni, a ti bawk.




MIZORAM PUBLIC SERVICE ON-LINE REGISTRATION HAWN A NI TA


MPSC Chairman chuan Smartphone emaw Computer emaw hmanga Internet hman tur nei lo leh hmang thiam lo tan MPSC Office-ah Help Desk dah a ni ang, a ti a. Hna diltute tan awlsam zawkna nih mah se a thawktute tan chuan buaipui tur a la tam tho avangin kut ruala thawh a la ngai nasa a ni, a ti a. Hna diltute chu Common Service Centre te pawh hmang tangkai turin a chah a ni.





One-Time Registration leh Online Application hi e-Bharat hnuaia hmalakna chi hrang hrang zinga pakhat a ni a. Sorkar laipui Ministry of Electronics & IT Department-in Cheng Vbch 10 leh Nuai 81 rawn tumin, Mizoram State e-Governance Society-in a hna an thawk a ni. 
MPSC hi Kum 1991 din a ni a, nikum atanga vawiin thlengin Dept. hrang hranga thawk tur hnathawktu 779 an la tawh a ni. ~IPR

Post a Comment

Powered by Blogger.