SAMAGRA SHIKSHA SCHEME THAR CHUNGCHANG - TIMES OF MIZORAM

4 Jul 2018

SAMAGRA SHIKSHA SCHEME THAR CHUNGCHANG

~ K. Lalngaizuala

chanchinthar hnaruak

Govt. of India, Ministry of Human Resource Development (MHRD) chuan scheme thar "Samagra Shiksha" tih chu a siam thar a. He scheme a siam thar ah hian a hmaa central scheme a lo kalpui tawh thin Sarva Shiksha Abhiyan (SSA), Rastriya Madhyamik Shiksha Abhiyan (RMSA) leh Teacher Education (TE) te chu a hrang theuh va kal pui tawh lovin he scheme thar Samagra Shiksha ah hian a bet (subsume) vek tawh dawn a ni. Tichuan, he Samagra Shiksha scheme hian Pre-School atanga Class XII thleng a huam dawn a. He scheme hi April 1, 2018 atanga March 31, 2020 thleng kalpui phawt tura ruahman a ni.





A hmaa SSA anga lo kal pui tawh ah khan SSA Teachers te hi State-in zirtirtu a mamawh belhna phuhru tura tih a ni a, PTR Norms an neih theih nana hmalakna pakhat a ni a. Hemi chungchang ah hian central lam chuan State ah instruction a pe tawh a. Central ngaihdan ah chuan State hian an post ruakte an hnawhkhat lo a nih chuan SSA atanga Teacher funding hi an mamawh tawh lo anga ngaih a ni. Chuvangin, state sorkar te hi an mahniin an kal theih tawh ah ngaih theih a ni.Tin, Samagra scheme siam thar hnuaiah chuan Teacher Post reng reng hi State in a keng kawh tur a ni a, State hnuaiah an awm vek tur a ni. Tichuan, he Samagra scheme kal puina atana sum (funding) erawh central sorkar atanga la pek a ni ang.





Kan hriat theuh tawh ang in hetiang ang Centrally Sponsored Scheme (CSS) ang ah CSS hindi teacher mi 1305 te eizawnna tawp tir a lo ni tawh a, an lainatawm zia kan hria a ni. Central sorkar hian hetiang ang CSS atanga an hlawh tur sum a rawn tum thin hian an thawh hun chhung tur bithliah fel takin a rawn siam sa thlap thin a. A scheme a tawp a nih pawha a hnu a chhawr chhunzawm chu state sorkar kut a nih thin avangin sorkar pawh hian vawi leh khata a ngheta dah vek chu thil harsa tak a nih theih avangin a tah tawlin dah ngheh chhoh zel dan ruahman thin se a tha ngawt mai. CSS hindi teacher 1305 te pawh an contract tawp hun tur hrereng siin, a tah tawla dah ngheh an ngaihthah avangin a tawpah an vai thlawn puk tih kan hria. Chuvangin, tuna Samagra Shiksha Scheme thar hnuaia thawkte pawh vawi leh khata a hlawma dah ngheh puk chu thil harsa a nih theih avangin a tah tawl a tlem tlema dah ngheh chhoh dan sorkar hian ruahman se a tha hle ang. Chutilo chu, an term hun chhung hrereng chung siin CSS hindi teacher te ang mai khan eizawnna atana an lo hman ber chu engmah lovah a chang ve leh mai ang tih a hlauhawm hle a ni. 

No comments:

Post a Comment

Post Bottom Ad