MYANMAR VICE PRESIDENT LEH Myanmar-a zin mek ZPM Chief Ministerial Candidate Lalduhoma chuan mimin July ni 31, 2018 khan Myanmar Vice President Henry Van Thio a hmu a, ram pahnihte thawhdunna tur hrang hrang an sawi dun.


Tahan (Myanmar)-a Chin Unity Forum buatsaih ‘Inpumkhatna Seminar’ a neihpui zawh hnu ah nimin (dt.31.7.2018) Thawhlehni chawhma lam khan Myanmar Parliament Session neih mek chu Lalduhoma hian a hmun ah a chhim a. He mi hnu hian Myanmar Vice President Henry Van Thio nen Myanmar khawpui Naypyidaw-ah inkawmna hun thawl tak an nei a ni.




LalduhomaMyanmar Vice President leh ZPM Chief Ministerial candidate inkawmnaah hian Chin Unity Forum din chhan leh din a nih dan te, Border Trade tihchangtlun a nihna tura hmalak dan tur te, Border Trade item atana mipuite thil thar leh siamte telh a tul thu te, Aizawl atanga Kalaymyo te, Tiddim, Falam leh Halkha inkara Bus Service tir dan tur te, Aizawl leh Kalaymyo leh Surbungtlang Airfield inkara thlawhna service dan tur te leh Lusei leh Hualngo naupangte tana Zotawng zirlaibu inang siam vat a tul thu te leh Zofate hmun pawimawh Khampat bungpui humhalh anih dan tur te inpawh takin an sawi dun a. Myanmar Vice President Henry Van Thio hian zanriah a buatsaih sak bawk.




Inkawmna hun thawl tak an neih zawh hnu hian nizan vek khan Naypyidaw chhuahsanin Rangoon an pan nghal a. Vawiin (dt.1.8.2018) Nilaini hian Zofa Association of Yangon (ZAY) buatsaihin Yangon-ah ‘Inpumkhatna Seminar’ neih leh tum a ni a. Lalduhoma leh ZPM hruaitu amah tawiawmtute hi tunkar Zirtawpni (dt.3.8.2018) hian Kolkotta atangin Lengpui Airport an lo thlen beisei a ni.

Tin, sawm anih angin Myanmar Parliament Session a chhim bawk a. Mizoram mi zinga Myanmar Parliement-a thu hmasa ber nia hriat ani bawk ani. ~ Liana Jathang

Post a Comment

Powered by Blogger.