KHAWL LEH MISTIRI BUNGRUA A SEMVawiin khan Champhai North bialtu MLA Pu TT Zothansanga chuan a bial chhunga Trade & Commerce and Industries hnuaia NEDP tanpuina kaltlangin Puanthui khawl Sewing Machine leh Mistiri Bungrua Carpentry Tool-te a sem chhuak.




Tanpuina semna Champhai Zote phaihmuna neihah Pu TT Zothansanga chuan NLUP chu mirethei leh chhumchhiate’n eizawnna leh bultanna  an neih ve theihna tura duan, mi tam takin leirem an rahna programme a ni, a ti a. Harsatna hrang hrangte awm ve bawk thin mahse tluang taka a kal zel thei chu lawmawm a tih thu a sawiin, NLUP chu a mamawhtute’n an mamawh chhung chu a kalzel dawn a ni, a ti a. 




Sawrkar Policy New Economic Development Policy (NEDP) hnuaiah hmasawnna ruhrel Infrastructure siamthat kawngah nasa taka tan lak anih thu leh  rah duhawm tak a chhuah ngei a beisei thu a sawi a. NLUP dawngturte leh vawiina semchhuah tanpuina dawngtute thlanchhuah kawngah duhsak leh hleibik a awm loh thu sawiin, dilna siamtu mamawh tak tak leh chhawrtangkaiturte hnenah pekchhuah a ni, a ti a. Mamawh tak taktute sawrkarin a ngaihsak avangin an mamawhte sawrkar hnena thlen hrehlo turin a chah a. Tanpuina dawngtute chu an thil dawnte anihna tur dik taka hmanga, tangkaipui   tum theuh turin a chah bawk a ni.

Vawiin hian Puanthui khawl 38 leh Mistiri bungrua 20 Champhai North bial chhunga dawngtu tur thlanchhuahte hnenah hlan a ni. - DIPR

Post a comment

Powered by Blogger.