SACHA INCHI LEH KAN RAM(Mizoram) LEILUNG, SIK LEH SA, CLIMATE A INMIL HLE


Zo Agri Business chuan 2018 atangin a chi hi subsidy emaw, a bain emaw ram nei thate hnenah a pe chhuak dawn.

He group-ah hian he thlai chung chang hi ni kum khan vawi hnih vel chu ka post tawh. He thlai origin chu Amazon Rain forest a ni. He thlai hi kum 2016 atang daih tawh khan Zo Agri Business Solution hmalaknain Mizoramah chin tan a ni a. Mahse Zoramin a la hmelhriat ngai lem loh a nih avangin a chhin nan tlem tete bak chin a la ni lo.

 Melvyn VanlalhlimpuiaZo Agri Business Solution chuan he thlai sawngbawlna khawlte leiin a rah(seed) leh a hnah thingpuife te siamin a zuar chhuak reng tawh a. Mizorama farmer a ching tawh ten an zawngchhang hle nghe nghe. A lo tiam tawh angin Zo Agri Business Solution chuan a farmer te tharchhuah zawng zawng a lei sak mek a ni.

Mizoramin harsatna kan tawh thin chu international buyer te hian an thlai lei duh hi matric ton 100 tel, matric ton sang tel te a ni a. Chutiang zat zat Mizoramin kan tharchhuah theih thin loh avangin kan buai thin. Mizoram tharchhuah hi an lei loh phah thin. Zo Agri Business chuan ton 2 chin leh a chung lam eng anga tam pawh nise lei thei tur International buyer zingah a nei tawh a. India ramah ngei pawh a lei duh a hmu fel tawh a ni.

Zo Agri Business chuan kum 2016 atangin Mizoram farmer te a lo chintir tawh avangin he thlai chin chang leh a that duhna hmun a hre bel hle tawh a ni.




Kum 2018 atang chuan he thlai ching duhte lo inbuatsaih turin Zo Agri Business chuan a ngen duh a ni. A chi hi subsudy-in emaw, a bain emaw Zo Agri Business chuan a pe chhuak dawn a. A ching turte pawh a chin dan leh a kung enkawl dan training pek vek an ni ang.

Zo Agri Business Solution chuan a chintir tawhna hmunte endik turin Agriculture Department mithiam te nen hma a la mek a ni.

Sacha inchi rah urhmin leh a thingpuife lei duh tan: The Good Life, Hrangbana College opposite, Chanmari-ah leh Horticulture Department store-ah lei tur a awm reng a. Chu mai bakah Aizawl veng hrang hrang eichawp dawrah lei tur a awm bawk. ~ Melvyn Vanlalhlimpuia

Post a comment

Powered by Blogger.