~ B Chhuana Ram Veitu
SUAKCHHAWNA: Pastor Chhawna inlarna hi a bu a siam niin vawi sawm lai chhut nawn a ni tawh a. 1934 atanga hmu tanin 1975 kha a hmuh hnuhnun ber a ni a. A thil hmuh hi a tam a, hrilhfiah dan pawh a in anglo thei viau mai a. A thupuan leh hrilhlawk te hi thleng dik tam tak awm tawhin, a la thleng dik mek zel bawk a. Chung zinga kan ram awm dan tur leh rorelna inthlak dan tur symbol in a rawn sawi a, a la dik zel a, chungte chu han tarlang ila.
Symbol - Symbol neitu
1.Sai - Mizo union
2.Sakeibaknei- MNF
3.Arpa - MPC
4.Kutphah - MPCC
5.Arsi - MNF
6.Kut number - MPCC
7.Bawl mum ang - Mihlim ho
Heng hi alo thlen tawh dan a ni a, a hnuhnung ber tih loh chu a sawi dan indawtin a thleng dik vek tawh a ni. Hetiang ang hian Evan. J.C.Muansanga hnenah a rawn hriattir leh a, hetiang hian l967 khan Champhai vengthlang a a sawi a ni.
HUN KHATNA: 'Hun khatna changtu rorelna chu Zoram tan hmasawnna rahbi a siam lai takin khawthlang lam fmna hmanga chimral a ni ang a, a ding chhuak tawh lo vang,' a ti a. Pastor chhawna inlarna kan han en chuan, hun khatna neitu chu Mizo Union a ni tih a hriat theih ta a. Mizo.Union hruai tute chu Central Congress hruaitu ten an lo hmin (thlem thlu) a, Congress ah an in chhung lut ta a, khawthlang finna hmanga chimral an lo ni ta a, sai symbol chu hmuh tur a awm ta lo a ni.
HUN HNIH NA: 'Hun hnihna changte chuan a riltam a tuar lo va, a ei buan buan ang a, a ma hote pawh a phin darh vek ang a, then darhna a thleng ang a, tin, chu rorelna chu reiloteah a tawp ang' a ti a. Tichuan hun hnihna neitu chu sakei symbol MNF a ni tih a hriat leh a. Pu Chhawna inlarna ah khan sakei lian ber khan a te te kha a lo seh a, a thing per pheng phung mai a, tiin a sawi a, Pu Laldenga hun kha niin alang. Inremna a awm a an lo chhuah a lalna an chan khan reilote kum hnih vel Iek ah an tIa leh ta a nih kha.
HUN THUMNA: Hun thumna changtu chuan thil fel takin ruahmanna a nei ang a, Zoram chuan an zui dum dum ang a, mahsela indona mizo leh mizo inthahna thlentu a ni ang a, beramno aiah sakeibaknei, thuro aiah rulrial, farthing aiah buar leh lenthling a lo awm ta tiin Zoram chuan zui tlakah an ngai lo va, an lo tin san ta a, an dingchhuak tawh lovang' a ti a. Hun thumna changtu hi Pu Chhawna inlarnaah chuan, 'Arpa lian em em mai hi khuang duh lo hian alo kal nguk nguk mai a,' tiin a sawi a. Tin, kan ramin a Bible hum a thlauh ta mai a, thu hi a chanve chauh a dik a, a chanve dang a dik leh thin lo va. Beram note aiah sakeibaknei, thuro lungleng aiah rulrial, farthing aiah buar leh lenhling a to awm ta a,' tiin a sawi ve i:mwk a. A hrilhtu hi mi thuhmun a ni tih a hriat theih a ni. He hunah hian Special Force an lo chhuak a, lehlamah MNF volunteer an awm bawk a. Volunteer ho in chhak lamah kan kal chuan thlang lamah an kal ti ula, chhim lama kan kal chuan hmar Iamah an kal ti ang che u' an ti a, thu dik sawi ngam loh hun, Bible hum thlauh hun a lo thleng ta a ni. Tin kan hriat tur pakhat chu MNF aiin P.C an sorkar (Lal) hmasa a, mahse P.C symbol arpa aiin MNF symbol sakei a piang hmasa tih hi. Tichuan 'Zoram chuan zui tlakah an ngai ta lo va "tih angin arpa symbol hmuh tur a awm ta lo a ni.
HUN LI NA : 'Hun lina changtu chuan Pathian hming chu alam ang a, mahsela a sam leh khawthlang finna sam a insuihfin tlat avangin malsawmna tam tak pawh khawthlang sorkar atang chuan a lo lut reng a. Mahse hun lina changtu khan Pathian aia chung ringlo mite malsawmna chu a thlan zawk avangin a hunlai hian rethei te tan tahna a ni a, riltam te chuan ruk tur pawh an hmu zo lo va, milian leh hausa te zawkin dawhkan atangin an ru zo zel a, chuvangin mipui riltam chuan an hawisan ta a," a ti a. Pastor Chhawna thupuan kan en chuan, 'kum sarih inchher chhuan chhunga in luh avangin, mitha in hre lo vang a, mi sual pawh in hre lo vang. Midik in hre lo vang a, mi sual pawh in la hre lo vang. Mi dik in hre to vang a, mi diklo pawh in hre lo vang. Puan tet sinin ruk an ru lo vang a, kawr suit ha ten ruk an ru ang. Rawkna leh kut dik lovin a man dawn che u a ni e,' tia a sawi tawh angin Arpa chanchin a sawi zawh ah kut bawr lian em em mai hi a phar eng pup mai a' tiin a sawi leh a kut symbol neitu chu Congress tih kan hria a. He hun changtu hian Pathian hming alam anga a tih angin he huna C.M khan thu a sawi a, a sawi tel deuh ziah chu, 'Pathian nung bia' tih thu kha a ni a, mahse ringlo mite malsawmna Pathian aia a thlan zawk vangin mil.ian leh hausa zawk ten dawhkan atanga ruk ruk (eiruk) na kut diklo chuan kan ram chu min man ta a ni. Tichuan hun Iina symbol palina chu a thleng dik vek tawh a ni.
HUN NGANA: 'Hun ngana changtu chuan Zoram tan nasa takin hna a thawk ang a, Zoram chuan beiseina nen an zui dul dul ang a, rarri dang atanga hausakna pawh a la lut zel ang a, mahse malsawmna chu a hmang thiam Io ang a, phuba lak nan leh intih ropuina atan a hman avangin Zoram chu hun ruk thimah a hruai lut ang a, chu tak chuan tah leh hathialna a thlen ang' a ti a. Pu Chhawna inlarnaah chuan symbol panga na turin 'varparh arsi eng em em mai hi a lo chhuak a,' a ti a. Arsi symbol a neitu chu MNF an ni a, hna nasa takin a thawk ang a tih angin an sorkar kum sawm (1998-2008) chhung khan kawng an lai nasa em em a, ram dang atangin hausakna a la lut ang a tih angin, world bank sum leh mautam tam tanpuina baffaco a tih kha a lut tam em em a, a hmang thiam lo ang, a tih angin, a hmang thiam lo ta ngei a. Department hrang hrangah sem a nih tak kha! Chuvangin kan ram chu hun ruk thima hruailuh in kan lo awm ta a ni.
HUN RUKNA: Rorelna thimthuahhnih hun ruk rorelna leh hun nga rorelna infin chuan Zoram hi a ti mangang zual zel ang a, chutatang chuan khawvar hun sarihna nghak chuan Zoram chu a ngawi thup ang a, manganna authawm chuan Pathian Lalthutthleng a thIeng ang a, Lalpa chuan Zoram tana a Io buatsaih khawvar chu alo thleng tawh ang," a ti a. Pu Chhawna inlarnaah symbol paruk na lo lang tur a sawi dan chu, arsi chanchin a sawi zawh khan, 'mipui chuan kal kan han siam Ieh a, chu chuan lung a ti leng em em mai a. Kan kutah chuan dal rual kan nilo tihna hi number in kan keng fur mai a, kut a number chu tu ta mah tha bik leh chhe bik a awm lo va a ti a. Tichuan, kuta number keng neitu Congress chu 'dal rual kan lo' a tih atangin MLA sawmli ah sawmthum pahnih Iai mai thlan tlingan ni a, kuta number ken pawh nuaikhat (100000) a ni tih a lo hriat theih ta a. Tichuan hun rukna, symbol rukna, kuta number ken no 6 na, nuaikhat (pa,sawm,za,sang, sing,nuaih) 666 hun thimah kan ram chu alo lut ta a. He mi hun chhung hian thim rapthlak tak, chhungkua inthen darhna thlentu, mihring number (666) neihna tur, CHHIN-CHHIAHNA kum 2013 atang khan a lo chhuak ta a, chhungkua tam takin mangan na, tah leh hathial kan tuar ta a nih hi.
HUN SARIH NA: 'Hun sarihna neitu chu Pathian duhlai a ni ang a, chu rorelnaah chuan mizo zawng zawng chu kan intluktlang tawh ang. Lalpa tlang thianghlim chu he kan Zoramah ngei hian kan chen tawh ang. In itsikna a bo ang a, thenawm khawvengte tan malsawmna kan ni theuh tawh ang a. Sorkar dang hausakna ang tho kan ramah a awm avangin chung hausakna neitu chuan a hai chhuak ang a, ramdang ten mizo ram hausakna chu an la tem ve ang. Chutah chuan mizo ram mizo ta a nih zia alo lang tawh ang tiin a puang a.
Pastor Chhawna inlarna ah kut number keng a sawi zawh a a sawi hmasak leh chu, 'Bawl mum ang mai, lian em em mai hi sang tak maiah khian a thlawk eng zur zur mai a, a kalna hnuah chuan kawngpui hi a zam eng ruah mai a, bawl neitu chuan, "Israel, babulon kalsan la, sal chhuak in ni, hlim rawh u. Zoram lungrualin kawng engah kal rawh," a han ti a, Zoramah chuan hnam lirpui alo nghing ta a, chhim leh hmar kan nghing dul dul mai a,' tiin a sawi a.Zoram khawvar kan hnaih ta e.
Post a Comment