Vawiin ni 8.9.2018 khan Officer Training Academy, Chennai a Army Officer training mi 252 te chuan kum 1 chhung training zoin Passing out Parade an nei.

He passing out parade, Lt. Gen. Abhay Krishna, General Commander in Chief, Eastern Command endikna hnuaia neihah hian Indian Army Officer mipa 198 leh hmeichhia 38 an tel a, Afghanistan, Bhutan leh Fiji atangin Officer 16 an tel bawk.

Vawiina Officer Training chhuak zingah hian Mizo tlangval pahnih Clement Lalchhuanmawia Ralte, Dawrpui Vengthar, Aizawl leh Laldingngheta, Bungkawn Vengthar, Aizawl te an tel a.

Lieutenant Clement Lalchhuanmawia Ralte hi 7th Guards Regiment-ah dah a ni a, Lieutenant Laldingngheta hi 12th Madras Regiment-ah dah a ni.

OTA Chennai-ah Vanrammawia, Venghlui, Aizawl chu a training mek bawk.


Post a Comment

Powered by Blogger.