KOHHRAN UPA THANZAWNA PWD DEPARTMENT EE ROPUI TAK - TIMES OF MIZORAM

Home Top Ad

Post Top Ad

KOHHRAN UPA THANZAWNA PWD DEPARTMENT EE ROPUI TAK

UPA THANZAWNARopui taka chawimawi a hlawh lo a, a lâr chiam lo a, mahse a dik ziktluak ta parh a ni.


(Lallianmawia, traffic SP thinin an țhenawmpa, an kohhran upa pui ve tho chanchin a ziah hi lo chhiar ve mai mai ru) Comment Ve Bawk La

Ka țhenawmpa, eiru lo ka hriat hi a chanchin ka rawn ziak tawh a. Vawiin hi a pisa kai hnuhnun ber ni a ni ta reng mai. Thla hlui khan an inah ka va dak lut a (nitin deuhthaw hi ka dak lut ziah hrim hrim). "En teh hei kan fridge thar, cheng nuaih man anih hi.., hei hi ka khawl thar, i u Zawna min chah sak a nia, a țha teh a nia. Cheng singthum man vel lai a ni." "Pawna motor saw i hmu em? Kan lei thar anih saw." An va han hlim tak. Amah lah chuan, "Ka leave salary leh hmuh tûr neuh neuh 90% hi min tihfel sak nghal vek a, min pe nghal maw le! A tih chi tak tak" tiin min hrilh mawlh mawlh bawk a.

He ka țhenawmpa hi maw, *PWD EE* a ni. A sawrkar hnathawh chhung hian Car pakhat, loan a a lei a nei a. Hemi hma, JE, SDO anih chhung zawng hian Bajaj scooter-in a pisa țhin, a dang a nei lo. A nupui hian dhoi a siam a, cake a siam a, a hralh țhin. Xerox dawr tereuhte an nei a, an fanu M Sc in a enkawl. An fapa inpui nghak hian Music school ah a thawk a,Jam Room a siam a, eizawn nan a hmang. Chutichuan, an in hi a bang pawnlam plaster kim loh a ni.
"Kan motor thar" tia lâwm em em a min kawhhmuh, "Han enchhin teh" tia phûr taka a chabi min pek hi, Maruti Echo, second hand a ni. An fridge thar hi hmân a an țhianteho chuan an neih daih tawh ang, Samsung double door kha a ni.

Amah hi hranghlui zaithiam, Rendezvous frontman a ni a. Synod Choir Conductor te, Mizo Zaipawl ah te telin sap ram pawh a fang ve nual tawh. Țum khat Canada an tlawh dawn țumin, Calcutta-a an awm laiin a Pa a boral hlauh mai a. "I pa vui liam tûr hian i lo kir leh dawn nge....?" "Pathian rawngbawl tûrin ka inpe tawh a, ka kal zel phawt mai ang e" tiin ţap chungin rawngbawlna lamtluang a zawh a. Hemi țuma a zai hian a ngaithlatute thinlung a hneh zia hi an hrilhfâk a ni.

A chanchin hi sawi tûr ka ngah khawp mai. A nupui chanchin pawh hi ziah ka châk. Tawitea ka khaikhawm thiam dan chu, he ka țhenawm pa, EE pension te chhungkua hi, an in leh lo rawn belchiangin, anmahni rawn hmu ula, sawrkar hnathawk eiru lo, diktaka thawk ziktluak parh in rawn hmu ang a. "Kohhran Upa ka ni a, ka nupui fanaute pawh hi rawngbawltu an ni ve asin" tia a hrilh kher loh che u pawhin, "Pathian rawngbawltu chhungkua an nih ngei hi, an zahawm hle mai" in ti rilru ngei ang.

Source: Aizawl City Page

No comments:

Post a Comment

Post Bottom Ad