MIZORAM YOUTH COMMISSION LEH BRITISH COUNCIL TANGKAWP BUATSAIH NI 4 AWH IELTS EXAM - TIMES OF MIZORAM

Breaking

Home Top Ad

Post Top Ad

MIZORAM YOUTH COMMISSION LEH BRITISH COUNCIL TANGKAWP BUATSAIH NI 4 AWH IELTS EXAM

Mizoram Youth Commission leh British Council-te chuan 31st May, 2018 khan inremna siamin, MYC chu Mizoram tan British Council hnuaia International English Language Testing System (IELTS) Examination Centre atan inremsiamna neih a lo ni tawh a.  Foreign-a zirna sang zawk chhunzawm tumte leh hnathawh tumte tana neih ngei ngei ngai IELTS score hi British Council-in a buatsaih thin a ni. Sawrkar nena tangduna hetiang buatsaih hi North East-ah Mizoram hi a awmchhun leh a hmasa ber a ni.

MIZORAM YOUTH COMMISSION LEH BRITISH COUNCIL


Pu Joseph Lalhimpuia, Chairman, MYC chuan, ‘Thalaite khawvel zauh ang aw’’,tih thupui pakhata nei a au hla kan chher ang takin, Mizoram thalaite zinga India ram pawna lehkhazir duh leh hnathawk duhte tana thil tul leh pawimawh hmasa, IELTS Examination kan tualchhung Mizoram-ah ngei kan thalai ten an exam thei ta hi a lawmawm hle a ni, a ti.

IELTS Exam Fee hi zirlai pakhatah Rs. 12,650/- a ni a, hemi ah hian 50% hi Mizoram Youth Commission chuan tum sakin, zirlai pakhat zelin Rs. 6,325/- an pe a. Coaching Fee-ah pawh zirlai pakhatah Rs. 6,000/- niin 50% hi Mizoram Youth Commission-in a tum sak hnuah zirlai pakhat zelin Rs. 3,000/- an chawi a ni. Aizawl-a IELTS Examination hmachhawn tur hian MYC chuan mi 85 IELTS Coaching Class kalpui in; heng mite chauh ni lo, mahni a exam inhuamte tan pawh IELTS MYC Coaching Class kalpuina leh Mizoram tana Examination Registration Portal tih theihna awm chhun Spotlight Coaching Academy, Saron Veng, Aizawl-ah IELTS exam hmachhawn duh te tan registration an lo kalpui tawh a ni. Tun tuma candidate te zinga a tam ber chu Nursing zir zo tawh an ni. -DIPR


Post Bottom Ad