National People's Party (NPP) Formed in Mizoram - TIMES OF MIZORAM

Home Top Ad

Post Top Ad

National People's Party (NPP) Formed in Mizoram

National People's Party (NPP) Formed in Mizoram

National People's Party (NPP) Formed in MizoramMeghalaya hmunpui nei India hmarchhaka inzarpharh mek National People's Party (NPP) chu Mizoramah din a ni a.

Vawiin khan Aijal Club-ah NPP National President leh Meghalaya Chief Minister ni bawk Pu Conrad Sangma chuan a hawng a. He hunah hian thusawiin, India rama tlangmi Vaibelchhe 10 vel awmte chuan ram chhungah dinhmun sang leh pawimawhna an phu tawk ang an hmu lo a ti a. NPP chuan hmarchhak tlangmi te'n inlungrual taka 'aw' an neih theihna tur te, dikna leh chanvo a neih te chu zam miah lova huaisen taka beiha, tlangmite tan engkawng pawha an aiawha din a nih thu a sawi a. 


Mizoram-a inthlanna chuh chu an tum ber a nih loh thu leh politics rawn khelh an tum lo a, an tum ber chu mipuite rawngbawlsak a ni, a ti. 

Inthlan lo awm turah hian mipuiten vote hmangin kalphung thar an thlak ngei a beisei thu a sawi bawk a, Mizoramah nghet taka din a, Unit-te pawh siam a, inthlan-ah seat a tam thei ang ber chuh an tum thu a sawi a. Mal din an tum thu pawh sawiin, BJP nena thawkdun anga ngaihna awm thin chungchangah, NPP chuan party thu ken hran a neih chu a kalpui zel tih a sawi a, Hmarchhak bial mipuite thil pawm dan leh ngaihdan chu dah hmasak zel a nih thu a sawi a ni. NPP candidate tur te chu tun dinhmunah ngaihtuah mek a nih thu leh hunrei loteah puanzar an ni dawn tih a sawi bawk a ni.


He hunah hian hmarchhak State hrang hrang atangin NPP Minister te'n an rawn tel a. Meghalaya Home Minister leh NPP National Spokesperson James Sangma bakah Manipur Sports Minister Letpao Haokip, NPP Vice President Phunzathang Tonsing bakah Nagaland MLA IMnatiba Jamir te pawhin thu an sawi a ni.

No comments:

Post a Comment

Post Bottom Ad