MIZORAM SORKAR HLAWHCHHAMNA - MARKETING - TIMES OF MIZORAM

Breaking

Home Top Ad

Post Top Ad

MIZORAM SORKAR HLAWHCHHAMNA - MARKETING

Sawthing chingtute
Israel rama kan Mizopui zu pemte zinga mi chuan tihian a sawi, " Israel ramah chuan hna hi kan thawk nasa em em a, bawkbawn ching chuan bawkbawn hlir a tam thei ang berin kan ching a, kawngpui lian pui pui hian kan hnathawhna chu a pal tlang a. Kan tharchhuah apiang kha a hralhna/ pekna tur In lianpui sei tak hi a awm a,(Godown a ni ngei ang) tah chuan man man takin kan va hralh/ pe nghal zel a, a man pawh cheque- in kan dawng nghal zel a ni. A man tur kha kan hre lawk vek bawk a ni, hetiang hian Zoramah khan hna thawk ila engahnge kan hausak loh tehlul ang" a ti a ni.


USA ah chuan sorkarin kut hnathawktute tharchhuah tinreng man man taka hralhna tur a market a lo ngaihtuah lawk diam a. Europe ram hrang hrangah te, kuwait ah te, Arab ram hrang hrangah te a hralhna tur a market a lo dap lawk vek a. Kawng tha pui pui a sialsak a, a taima apiangte dinchhuahna turin free competition a siam thiam em em mai a ni. A hlawk avang leh a hralhna tur leh a man hriatsa a nih avangin mipui an phur a, an taima lo thei lo tawh thin a ni. Mizo, foreign-a hna zu thawkte hi an taima em em zel a, "Japan ang mai an ni"..an ti. "Washington DC( USA)-a Mizote hlawh chawhrualin sapho hlawh chawhrual a khum tawh" ( "Raltiang ram", by Ronald Sapa Tlau).

Kan ramah hian " Mizote hi kan thatchhia" kan ti fo mai hi sorkar system dik loh vang a ni. Sorkar tha(eg: USA..etc) hnuaiah chuan Mizote hi kan taima em em si.

Aizawl khawpui hi han thlir teh u..concrete In ropui tak tak tlep ter tuar maite hi kut hnathawktu kan tihte sak a awm mang lo! A valungchhiat thlak em! Sorkar hnathawk leh politic eibela hmanghoten an sak deuh vek a ni. Zoramah chuan ram hnuaia kut hnathawh vak vak hi a hlawk lo va, Minister chokaa eizawng pha ho hi an hlawk daih zawk a ni. An hausa chak hle a, veng hrang hrangah In chhawng an sa uaih uaih reng mai a nih hi.

Zoramah chuan sorkar hruaituten( tih bik awm chuang lovin) kut hnathawh hlutziate hi an sawi thiam hle a. An ka chauh a ni, an ka chauh. Sawhthing rate tha deuha hralhna tur tak ngial pawh an dap pawp peih lo a ni. Phaiah te khuan sawhthing rate-te hi a to em em reng a, sorkar hian sawhthing rate tha deuhva hralhna tur hi a dap ngaihna a hre ngai lo va, a peih lo te pawh a ni zawk ang. Sawhthing chingtute an khawngaihthlak hle a ni. Sawhthing ringawt pawh hi rate tha deuhin a market sorkar hian han dap pawp sela chu kut hnathawktute hi an dingchhuak zawih zawih ngei ang.

Sawthing chingtuteMIFCO Deptt ah hian kum 3/4 emaw vel ka lo thawk ve tawh a. A tawi zawngin..theitui chi hrang hrang( pianeple, orange, sapthei..squash) leh baibing tin te, lakhuihthei tin te..etc chitin reng kan siam a, mahse a hralhna tur a market- ah hian a tawp leh tlat thin a ni. MIFCO Deptt chu a staff- te hlawh pawh a thawk chhuak zo lo..tiin tihtawp tawp aiah sorkarin ZU an zawrh tir a, ZU zuar Deptt. ah a let ta ringawt mai a ni.

Market a that a, a hlawk phawt chuan Mizote hi kan la taima em em a ni tih i hre reng ang u. Sorkar hi marketingah a hlawhchham a, kuthnathawktute dinchhuahna kawng hi a la kaw hlei thei lo a ni. ~ Rca Renthlei

Post Bottom Ad