Thingsai Chanchinthar : MSU Sub-Headquarters Thingsai chuan Government Thingsai High School a Teacher transfer chu a rang thei ang bera a aiawh dah turin Mizoram sorkar an phut.
Thingsai Government High School hi ni 15th Febuary 1957 ah din niin, Mizoram a High School upa pali(4)na a ni hial a, he school hian Mizoram huap mi ropui tak tak leh hming țha tak tak a lo chher chhuak tawh a, hetiang dinhmuna kan din lai hian zirtirtu kan neih lai mek chu Letter No.A.22014/1/2016-DTE(EDN)/202, ni 4th April 2018 hmangin min sawnsak daih mai a, kan hrilh a haiin hriatthiam har kan ti hle. He transfer avang hian zirnain a tuarin zirlaite pawhin harsatna an tawh nasat phah hle a ni.
Kan zirtirtu neih lai min sawn sak takah chuan thuneitu Hon'ble Minister Education pawh Bialtu MLA hian minlo lenpui tawh a,hemi bakah hian Commissioner/Secretary to Education, Deputy Commissioner Lunglei te hmalak sak turin MSU Thingsai chuan a lo ngen tawh a. Education Department hnena kan ngennate min ngaihpawimawh sakin hma min laksak dawn ni a kan hriat laiin tun thlengin a hlawhtlinna kan la hmu lo hi beidawnthlak kan tiin, thingtlang lama zirtirtu indaih lohna a nasat lai leh dil belh a harsat em em laia Aizawl lama kan zirtirtu neih lai min sawn chhuahsak daih mai hi na kan ti a, zirtirtu min sawn chhuah saktute chu a rang thei ang bera a aiawh min dah sak vat turin kan ngenin kan phut a ni.
MSU Thingsai chuan thuneitute hnenah vawi eng emaw zat zawldawh taka thlenin kan ngen a, nimahsela vawiin thlengin a hlawhtlinna kan la hmu lo hi pawi kan ti a. Hetianga kan duh miah loh thil kan tih a ngai ta mai pawh hi Mizoram mipui pawh min hrethiam turin kan ngen a ni, kan teacher neih lai an transfer hi tun thla chhung ngeia a aiawh min dahsak loh chuan na zawka hma lak zel a ni ang. ~ Mamawia Langel
Post a Comment