Chalfilh Bial chhunga Candidate turte hi thlir ho leh ila, ngaihdan sawi ho leh ang u hmiang.
NGURDINGLIANA & LT HRANGCHAL (INC)
Congress atangin hming pahnih hi sawi lan loh theih loh a ni mek a, Bialtu ni mek, Pu Ngurdingliana hi sawi hmasa ang.
Kum lamah chuan la valai tak a ni a, he bialah hian Term 2 a MLA tawh a, Minister erawh a changpha ta lo. Congress Minister hlui, Dr. H. Thansanga fapa a ni. Mi nun zawi leh ti pawng pawng lo chi a ni a, Media lamah leh Bhavan lamah pawh boruak a nei lian lem lo. Hrisel lohna in a tlakbuak zeuh zeuh a, Phaia kal ngai hial pawhin a awm zeuh zeuh. A bial pawh hi duh angin a vil taima thei lo. Tun hnai inthlan dawn chho ah a vil uluk hle a, Bial chhung khawtin deuh thaw ah Oxygen Concentrator a sem bawk a ni. An chhungkua in Aizawl N - III Bial chanmary ah an khawsa mek a ni.
LT Hrangchal hi tam tak chuan kan hmel hriat loh maithei. Police Officer IPS(Rtd) a ni a, vawiin thlengin Party luhna a la nei lo, Congress Candidate phuahkhawm chhinna (Probable) ah kha Pu Ngurdingliana aiah dah chhin a ni. Amah hi Aizawl SP te pawh lo ni tawh a ni a, Politics ah erawh eng Level ah mah Experience la nei lo a ni a, a hming a lo lan nawlh theihna hi Manipur lam Mizo (Hmar) te ngenna leh phutna avang niin an sawi bawk. Aizawl West - I bial Tuivamit khawsa a ni.
An ni pahnih hi rin aiin boruak an nei lian a, Pu LT. Hrangchal dah chhin hnu khan Pu Ngurdingliana hi a lungawi lo hle niin an sawi a, kan Party mi midang chu nise ka hrethiam kan Party tana pen khat pawh ke la pen ve lovin min lan a nih chuan a tlawmthlak hle ang tiin a sawi an ti nghe nghe. Hei vang hian Congress atanga a chang lova Pu LT. Hrangchal a ding dawn a nih chuan Independent pawha din mai a hreh loh thu a sawi an ti bawk a, hei hi an hriat vang nge nimin lama Candidate ni thei tur awm an siam lehah chuan Pu. Ngurdingliana hming dah a ni leh ta a ni. Hei hian nghawng a nei ve leh nge vawiin Bhavan lama Pu. LT. Hrangchal lawmluh tur Programme pawh thulh chawpchilh a nih thu sawi a ni bawk.
LALRINLIANA SAILO (MNF)
Vawiin a MNF pa ni thar a ni. Khawzawl Bialtu Congress MLA atanga banga vawiina MNF zawm thar a ni. Congress Term hmasa a Cabinet Minister lo chelh tawh Term hnuhnunga Minister atanga paihthlak a ni. Mi thawmna leh mi chak ni a sawi thin a ni a, mahni Department chan hnehsawh zinga chhiar tel thin a ni. Aizawl South - I bial chhung Upper Republic a cheng a ni.
Comment lamah a awm leh takin a hming sawi hian Khehpuam hi a lo lang thin a, Pu Rina hian khehpuam tak tak lo nise Jail atângin Convict a nih tawh a rinawm. Comment lamah te 'Khehpuam Lalpa' kan ti bawih bawih thin hi kan chiang viau nge ni dawn le? Politician te hi an tuang a chhah a Diplomacy an lo nei tha hle, heng hi Screen Shot se, Defamation File se insawi fiah hleithei lo tur zawk hlir hi kan ni zawk mai angem? Nge ni a a ni hian Khehpuam hi a lo milen pui viau zawk. Chiang taka sawi thei awmse, Court thu vaw thla tawp thei tur, kan chian phah deuh ngei ang.
F. RUALHLEIA (ZPM)
Aizawl lam chuan kan hmelhriat vak awm love, a thlalak pawh neihmai theih a ni lo. Tuivawl Bial Darlawn a khawsa a ni a, Presbyterian Kohhran Upa, pa fel tak a ni. A fapa hi ICI Kohhranah hruaitu lu tak a ni bawk. High School Zirtirtu Pension a ni a, Darlawn atangin taima takin a vil lauh lauh mek bawk a ni. ~ David Sailo
Post a Comment