Party President dinhmun thlirna - TUNGE TLING/TLA ANG - TIMES OF MIZORAM

Breaking

Home Top Ad

Post Top Ad

Party President dinhmun thlirna - TUNGE TLING/TLA ANG

Party President dinhmun thlirna - TUNGE TLING/TLA ANG


Party lian pahum President te hi thlur bing ang.




PU LALTHANHAWLA (INC)

Congress
Tuna thangthar tam takte tan hi chuan an hriat tirh atanga MPCC President ni tawh a ni ngei ang. Congress tan chauh lo pawh Mizo History a hruaitu ropui a ni ve hrim hrim mai. A uap a na a, Leadership a nei tih loh rual a ni lo. Politics Tactic a hre hle a, mi tam tak chuan Politic thiam berah an chhal hial a ni. TV te, News ah te a hmel lan ang ngawt hi ni lovin fiamthu duh leh nelawm tak niin a hrechiang chuan an sawi ve tlat bawk.

2013 inthlan hlim khan chiang takin 2018 ah Politics a chawlhsan tawh tur thu a sawi a, vawiin 2018 ah chuan sawi nawn a awm ta lova, ka ding dawn tih pawh sawi a nei chuang lo. Serchhip hmehbel a ni a, he bial ah hian Pu.Lalduhawma, ZPM CM Candidate leh C.Lalramzaua MNF Candidate te nen an in bei dawnin a lang a, an pathum atanga a lan mai danah hi chuan Pu Duhawma nen hian in bei deuh ber tura ngaih a nih hmel.



Pu Hawla hi Serchhip hi a bial nghet angreng hle a, a tling a, a lo tla tawh bawk a ni. Ka thlir ve na atang chuan he bial ah hian MNF Candidate hi pathumna a nih a rinawm a, Pu Hawla hi tling thei turin ngun deuha chhutin a Chance a tha berin a lang. MNF Candidate Pu.C.Lalramzauva hi Pu Hawla thubuai neih mekah a beitute lam Ukil ah a tang mek a, he thubuai hian a Weight erawh a tisang vakin a rinawm loh.

Zoramthanga MNFPU ZORAMTHANGA(MNF)

A ni pawh hi Pu Laldenga hre pha lo chin zawng tan chuan hriattirh atanga MNF President ni tawh a ni ve ngei ang. Pa hlimthei, hmeltha puak ni lo mahse hmuh nuam tak a ni. Tawng hmang/kam thiam tak leh thil sawi uar thiam tak a ni. A kum a lo tam ve hret hret a, kumin inthlan hi a Last Chance a ni ve tawh hmel. Hei hi a bawhpelh chuan Zoram Politics a vuiliam a ngai ve tawh ang.

Pu Zorama hi thusawi nuam ti tak niin a langa, thusawi thiam ten an neih, awihawm tak, mi hneh taka thusawi thin erawh a ni lo. Tawngkam thiam tak leh thluk dik takin thu a sawi thin a, mahse awihawm lamah leh mi hneh lamah a thusawi hi a thawkna tawh lo tih a hriat. Lawm leh nuih a hlawh viau tawh zawkin a lang. Party President a nihna erawh dah tet theih a ni lovang.



Bial dang pawh sawi rik awm mahse a tum nghehna ni a lang Aizawl E-I ah ZPM Candidate Pu K. Sapdanga(Vanglaini Editor) nen an in bei dawn a, Congress lam atang hian bial thenkhat ang bawkin inchuhna a la awm a, MLA ni lai leh Deputy Speaker, Pu.R.Lalrinawma leh Pu K.Vanlalrawna te buk mek an ni. Congress atang hian tu zawk zawk pawh ding se Congress hi he bialah hi chuan Pathumna an nih a rinawm a, Pu Zorama leh Pu Sapdanga hi inbei ber tura ngaih an ni a, Chance pawh an nei ve ve in a hriattheih.

PU LALDUHAWMA (ZPM)

Pu Duhawma hi ZNP dintu leh President, ZPM CM Candidate a puan a ni a, IPS a ni tawh a, MP(Lok Sabha) leh MLA pawh a lo ni tawh bawk. Kohhran lamah pawh Upa a ni nghe nghe. Thusawi thiam tak a ni a, awihawm taka tawngkau chheh hman a thiam hle. Lam tang atan itawm tak chi hi niin a lang. Eirukna emaw hlemhletna lamah sawi kai lo ber te zinga mi a ni. Politics ah a tei rei tawh ang hu in a lu bawr zingah chuan a tawng sang lo angreng.

Vision leh Principle nghet tak mimal takin a nei tih a hriattheih a, chu chu a bawhzui dan tur pawh a hriat hmel hle a ni. Political Party ah erawh Principle nghet tak a nei lo tih a lang thei a, amah mimal hi Party hrang hrangah a awm kual viau tawh a, a Party ZNP hian a rem danin Party dang an thawhpui thluah thluah fo bawk. A mimal Policy tihhlawhtlin dan kawng a zawn vang pawh a ni thei e.

Lalduhoma ZNPBial hnihah a ding dawn a, Serchhip bialah Pu Hawla(INC) leh Pu C.Lalramzauva(MNF) te nen an in beih hmel a, Chance chu a nei ve tho a, Neutral Vote ah erawh an in nghat thui viauiin a rinawm. Tuna a lan dan boruakah chuan Pu Hawla ai mahin Pu Ramzauva te nen hian an inbei tan derin a lang a, Political Strategy an neih mumal loh a tu Game ah emaw an luh palh chuan Pu Hawla Chance hi a tha zawk viau thei.

West - I bialah a ding dawn bawk a, an veng bial a ni. A lo tlak tawhna a ni a, MLA nilai Pu.K.Sangthuama(MNF) nen hian inbei ber tura ngaih an ni. He bialah hian MPCC Communication Dept Chairman, PC.Laltlansanga leh MPCC Election Dept Chairman, Albert Lalthlamuana ten an in vil thuah mek a, tu zawk pawh hi ding se Congress hi an pathumna velin a rinawm.

Pu Duhawma leh Pu Santhuama hian Chance an nei ve ve a, Pu Sangthuama hi a upa lam ve hret tawh a, Pu Duhawma hi CM Candidate, bial chhung mi a lo ni bawk nen a Chance a tha zawk mah angem a tih theih bawk. 

@ David Sailo

Post Bottom Ad