POLITICIAN TE BIHCHIANNA 40-NA by V. Lalnunthara
Pu Joseph Lalhimpuia hi Lunglei Baptist Pastor pension, Rev. Dr. PL Lianzuala fapa niin January ni 4, kum 1974 khan Zohnuai, Lunglei ah a lo piang a ni.
Thiamna lamah a zir sang hle a, M.A (Philosophy) a ni. Amah hi Kohhran leh Khawtlang rawngbawlna a inhmang tak, Kohhran leh Khawtlang rawngbawlna kalkawp pui thiam mi a ni.
YMA Sub-Headquarters Lunglei ah kum 2002-2008 chhung khan O.B post hrabg hrang Treasurer, Assistant Secretary leh Secretary nihna te a chelh a, hetih lai mek hian Mizoram Thalai Kristian Pawl (MTKP) ah kum 2002 - 2008 chhung khan O.B post hrang hrang Assistant Secretary leh Vice President nihna te a chelh bawk a, Baptist Youth Fellowship of India (BYFI) ah kum 2004-2008 chhung khan Treasurer a ni bawk.
Politics ah lutin, Indian National Congress a zawm a, kum 2008 leh 2013 Assembly Inthlanah te Lunglei East bial atangin thlan tlin a ni a, Mizoram sawrkar hnuaiah kum 1998-2013 term ah khan Vice Chairman, Lunglei High Power Committee nihna chelhin kum 2013 atangin Parliamentary Secretary niin School Education Minister a pui mek bawk.
Pu Joseph Lalhimpuia hian Pu Ch. Saprawnga (L) tunu, Pi Zochhawnkimi chu nupui ah a nei a, fanu 2 leh fapa 1 an nei. Malaysia, Thailand leh Hong Kong ah te a zin tawh a, lehkha chhiar nuam ti tak a ni bawk.
Post a Comment