MLA Pu KS Thanga'n R Lalzirliana Dawt Sawiah Puh - TIMES OF MIZORAM

Breaking

Home Top Ad

Post Top Ad

MLA Pu KS Thanga'n R Lalzirliana Dawt Sawiah Puh

Mizoram newspaperCongress MLA Pu KS Thanga chuan Agriculture Minister hlui Pu R.Lalzirliana'n MNF Party a zawm ni a mipuite ti thlabar zawnga NLUP-ah sum a awm tawh lo ni a a sawi chu thudik lo a ni a ti.

Nimin khan Aizawla Congress Bhavan-ah he thu hi chanchinbumite hrilhin Pu Lalzirliana chu Congress Party-a a awm laia thu dik sawi thin, dawt sawi ngai lo a ni a, dawt sawina sikul an tih MNF Party a zawm ni atangin Mizoram mipuite ti luhai thei thudik lo a sawi nghal a, a awmna party hotute tihlawm nan bul a tan ve ta a ni a ti. Pu KS Thanga chuan kum 2008 kum tawp atangin Pu Lal Thanhawla leh a kaihhruai Congress Party chuan tun thleng hian Mizorama chhungkaw awm zawng zawng zinga za a sawmsarih paruk te’n NLUP a\angin eizawnna bul tanna tur tanpuina an dawng tih a sawi a. NLUP Eligibility Criteria dungzuiin NLUP dawng thei 2011 Census-ah Mizoramah Chhungkaw nuai 2 sing 2 & 1077 an awm tih a sawi a ni.

Pu KS Thanga chuan, NLUP-NEDP Convergence Scheme Phase II & III hnuaiah anmahni account-a 1st Instalment dawng tawh zat chu chhungkaw 29,710 an ni tih a sawi a, Election puan avanga 1st Instalment dawng ve hman lo chhungkaw 2,690 te chan ai tur pawh sanctioned fel hnuah Nodal department Agriculture Deptt atangin Line De-partment-ah pek fel hman vek a ni a, inthlan zawh velah an accountah dah luh nghal tur a ni dawn tih a sawi.

Pu KS Thanga chuan Pu R.Lalzirliana'n NLUP ah pawisa a awm tawh lo nia a sawi chu pawi a tih thu leh chhungkaw 32,400 III Phase dawng tura thlan te chauh in an la dawng lo chauh a nih lai leh chung ho ta tur pawh a awm vek tawh laia pawisa a awm lo a tih chu thu diklo a nih thu a sawi a. NLUP chu sem chhunzawm zel a ni dawn a ti.

(AIR CORR.)

No comments:

Post a Comment

Post Bottom Ad