MLA THA CHUAN VISION A NEI TUR A NI - SANGZELA TLAU, CONGRESS CANDIDATE - TIMES OF MIZORAM

Breaking

Home Top Ad

Post Top Ad

MLA THA CHUAN VISION A NEI TUR A NI - SANGZELA TLAU, CONGRESS CANDIDATE

 SANGZELA TLAU, CONGRESS CANDIDATE“MLA THA CHUAN VISION A NEI TUR A NI” “ SAWHTHING hi khawvel ah a Market a tha thei tak tak lo a, ZPM te hian a MARKET leh a leina tur sum BUDGET- a dah a nih dan tur an sawi thleng ngailo”- Sangzela Tlau

He thu hi 27th Tuikum AC Block –I huamchhungah Congress Party ten “Inthlan Campaign Kick-Off cum Political Training” anneih na a he biala Congress Ticket a dingtur Sangzela Tlau chuan a sawi ani.

Ni 18thOct 2018 hian Serchhip District chhunga Assembly Constituency pathum zinga pakhat ,27th Tuikum AC Block –I huamchhungah Congress Party ten, 27th Tuikum AC a an party MLA Candidate Pu Sangzela Tlau hovin “Inthlan Campaign Kick-Off cum Political Training” Chhiahtlang Community Halla neih hian Pu Ronald Sapa Tlau MP (RS) leh Agriculture Minister Pu KS Thanga te leh Mizoram Pradesh Congress Committee aiawh te leh Aizawl District Congress Committee Member ten an rawn hmanpui a ni.



Tuikum Block –I Congress Committee ten “Inthlan Campaign Kick-Off cum Political Training” hi Pu F Lalrinnunga,Joint Secy Block –I Congress Committee in kaihhruaiin, Pu Lalneihkima Varte ,Secretary BCC-I in report a pe a,he hunah hian Aigriculture Minister chuan thusawiin, Tuikum bial in Candidate tha tak an nei chu a lawmpui thute,Congres party Nomination Committee in Ngun taka kan ngaihtuah hnuah Pu.Sangzela Tlau hi an rawn dah tak thu a sawi a, Tuna an MLA ni lai mek in a tihtheihtawk aia sang chu Pu zela’an a tihtheih dawn thu leh Bial hrang hrang a fangkual naah bakah Tawi bial ah an party chuahsan zam na khawp an awm loh thute,Tuichang(Khawzawl)ah pawh an boruak a tha in an chak an chak ngei a rin thu te leh NLUP chu Agri Minister hluiin NLUP tawp mai tur a nga a a sawi dawt a ni thu te a sawi bawk.

Pu Ronald Sap Tlau MP (RS) pawhin MNF hotute chuan Corruption avangin Falkawn Referal Hospital,Tuirial HEP an tichhe vek a,Mizoram hmasawnna daltu an an nih thute a sawi ve bawk a, a ni bak ah hian he hun hmanpui tu Pu PC.Vanlalsawma, President, MPCC Serchhip Block pawh in thu a sawi bawk. 

27-Tuikum (ST) AC a an party MLA Candidate Pu Sangzela Tlau pawhin thu sawi in, Tuikum bial a Candidate ni thei tura Pathian leh Party Nomination Committee duhsakna a chang chu lawmawm a tih thu sawiin, Damlo kan, mahni bialte ruang phurhna tum leh tawngkam tha taka inchibai ringawt hi MLA tha nihna a nilo a, MLA tha chuan Vision a nei tur a ni a, a bial leh ram tan hmasawnna tur chhenfakawm tak din a nih theih nan ruahmanna leh hmathlir tha neiin tipuitling turin sum leh pai a haichhuak thei tur a ni a ti a, hun rei tak Tourism atchilh a zir chiang tu a nihna chu Mizoram leh Tuikum Bial tan chhenfakawm tak a nih tur thu sawiin, Tourism chu thalai Lehkha thiam hna hmulo te tan damdawi a ni tiin, khawvel ram dang a Vur in a khuh Tlang bawk pakhat in sum tamtak a hailuh theih chuan, Tuikum bial chhunga Tawi tlang chuan a theih loh bikna tur a awm lo a ti bawk.

 SANGZELA TLAU, CONGRESS CANDIDATE
A sawi zelna ah Tourism ringawt buaipui a nih loh thu leh Agriculture lamah pawh tamtak zir in khawvel huapin Sawhthing hi a rate a tha tak tak lo a, Mizoram leh India ram ah chhungkaw khat hian kum khat ah sawhthing kg 20 eiral an awm manglo a, ram hrang hrang ah pawh chutiang tho chu a ni a ti a, Mizoram Sawhthing aiin China sawhthing chu a tha zawk a hralh sum ah pawh a thlanawm zawk tiin Sawhthing hi Mizoram damna a nilo a Campaign nana hmang thin ZPM te pawh hian a Market leh Budget a dah a nih dan tur an sawi thleng ngailo a ti bawk.

Sangzela tlau chuan Tuikum Bial thalai te tan Chhingchhip Mualpui field ah Grass phah mai piah lam ah infiamna hrang hrang tih theihna tur Tuikum Sport Complex siam tum niin NEC ah thehluh mai tura peih a ni tawh thu a sawi bawk.

27-Tuikum Block-I huamchhung ah hian khaw 10 ah Congress Unit 17 a awm mek a , Tuikum Block –I Congress Committee ten “Inthlan Campaign Kick-Off cum Political Training”an neih hma hian an party MLA Candidate Pu Sangzela Tlau leh a thawhpuite chu Chhiahtlang daiah lo hmuakin , Chhiahtlang community Hall thleng mi engemaw zat in an zui a ni.

Post Bottom Ad