Vawiin tualchhung Politics thlirna -
POLITICS VANGA KUT INTHLAKNA, ZPM LEH BJP THAWK DUN DAWN LO, PU SANGZELA TLAU A FEHCHHUAK, ZPM FLAG HAL A NI, VC MEMBER MNF AH, SERLUI BIALTU CONGRESS MLA IN AN TLAK A HLAU
19th October
POLITICS VANGA KUT INTHLAKNA -
Phulmawi khuaah Politics avanga kut inthlakna a thleng a, Phulmawi VC Member, Pu Liankima hian an khuaa Rangva dawng List chu mipui ngenna avangin an khaw Whatsapp Group ah a Post a, hei hi Phulmawi Congress Unit President chuan duh lovin Pu Liankima hi kut a thlak ta mai niin an sawi. Unit President, Pu K.Lalhmachhuana hian NLUP 1st Phase a dawn zawh tawh bakah Special NLUP chu a nupui hmingin an dawng leh a ni. An bul hnaia awm ten an thelh thei ta a ni.
ZPM LEH BJP -
Nilaini chanchinbu chhuakah thawk ho tura inbiakna a awm thu ZPM Chairman in a sawi chanchinbu ah tarlan a ni a, vawiin chanchinbu ah chuan ZPM hi BJP nen an thawk ho dawn lo tiin thu an chhuah ta.
PU SANGZELA TLAU A FEH CHHUAK-
Tuikum Bial Congress Candidate, Pu Sangzela Tlau chu vawiin khan he bial chhung khua Chhiahtlangah Programme a hmang tan a, Aizawl lam atanga zuitu an thahnem hle. Sawi tawh angin Tuikum bialah hian Bial vawng mektu Er.Lalrinawma(MNF) leh PC.Vanlalruata(ZPM) te nen an in bitum dawn a ni.
ZPM FLAG HAL A NI -
Vawiin khan Tuirial Bial East Block ZPM Committee chu Lungmuat khuaah neih a ni a, hemi atana an Flag tar thahnem tak chu tukin zing lam khan MNF mi mi ngeia hriatten pawtthla in an hal tih hriat a ni. ZPM tualchhung Steering Committee te chuan hetiang a dan bawhchhiatna hi duh lovin Election Commission lamah an zual ko nghal a, EC hian endiktu pawh an tir nghal a ni. Mahse ZPM Block Committee hian he thil titu hi an ngaidam tih an puang ta a ni.
VC MEMBER MNF AH -
Nizan khan Mamit biala Damparengpui khuaa Congress VC Member leh VC Treasurer ni mek, Pu Zohmingliana chuan MNF Ticket a he biala ding tur Er.H.Lalzirliana hnenah Member Fee pe in MNF a zawm.
SERLUI BIAL MEKTU MLA A HLAUTHAWNG-
Serlui bial mek tu, Congress atanga Candidate chang ta lo, Pu K.Lalrinthanga chuan tun dinhmunah Congress in he bialah hian MLA an neih loh mai a ring deuh. Pu Rinthanga chuan he Bial Congress Candidate Pu Lalhmachhuana chu a vanduaiah a tan mai a rin thu leh Campaign hun a la awm a, thil a la danglam thei tih a sawi rualin tun din hmunah chuan hlauhthawnawm a tih thu a sawi chhuak a ni.
Note-
Party tin Candidate te an feh chhuak sang sang a, mahni a Campaign ngam an awm lo emaw tih mai tur, zuitu neih tam, Lirthei tam lam te hi kan ropui duh dan niin a lang mek a, ropui ka ti ve lo. Kha biala Vote nei ve hlek lo lirthei 50-60 inzui tir khan engnge kan tum ber hi a chiang khawp a, lan ropui, tam ber ni a lan tumna mai a ni. Heng hi engmah lo mai a ni e.
Post a Comment