THLAN TLIN KA NIH CHUAN HLAWKNA NEIA MI HNATHAWHA INRAWLH HI KA TUM VE LO VANG - Prof. F. Lalnunmawia - TIMES OF MIZORAM

Breaking

Home Top Ad

Post Top Ad

THLAN TLIN KA NIH CHUAN HLAWKNA NEIA MI HNATHAWHA INRAWLH HI KA TUM VE LO VANG - Prof. F. Lalnunmawia

Aizawl 26th Oct 2018 : Ni 25 Oct 2018 (Thu) zan khan Aizawl South III huamchhung Falkawn MNF Unit huaihawtin *Political Training leh Mithar lawmluh* hun hman a ni a. He hun hi Aizawl South III biala MNF Official Candidate Dr.F.Lalnunmawia'n a hmanpui.

thusawi


He hunah hian Dr.Mawitea chuan thusawiin, "Inthlan a lo hnai chho zela, ni telin MNF a lian zel a, MNF a tel duh tawh phawt chu rawn lut zel turin kan sawm a ni" a ti a. "Aizawl South III bial chhung bikah pawh MNF in nasa takin hma a sawn a, thawhpui tur mithar kan nei rengte hi keimahni tih ni lovin chunglam hnathawh zawk a ni a, Pathian hnenah lawmthu i sawi ang u. Chuvangin zanina rawn lut te hian in tisual dawn lo a ni" a ti a. "Pathian leh mipuite zarah thlantlin ka lo nih chuan *Bial chhung hmasawnna hnathawh (contract) ah hlawkna uma inrawlh ka tum lo ang*"a ti bawk.


Congress Party rorel chhung a tawp ta tih sawiin Dr.Mawitea chuan, "Kan bialah ngei pawh tunah hian Congress ho tla tur mangang hian mithar lawmluh tur zawn chu sawiloh, an mite bang tur an veng a ni chauh tawh a. *Chhim lama an kalin Hmar lama mi an lo bang a, hmar lama an kal laiin chhim lama mi an lo bang leh hman a.* Sum leh pai hmachhuanin, *'Kan inlei tling leh ang'* ti mahse mi rilruah an tlak tawh chuan tihngaihna a awm tawh lo" a ti bawk.

MNF te chu an boruak that avanga chapo thei an ni lo tih sawiin Aizawl South III biala MNF Candidate tur chuan, " Chapona hi mihring tlukchhiat thinna a ni a, kan Pathian huat zawng tak anih bawk avangin MNF te chu kan chapo ve tur a ni lo va. Tuna kan Party hmasawnna hi keini thawh vang a ni lo, Pathian hnathawh a ni. Thinlung thianghlim pu a inngaitlawm taka ke pen zel hi kan tih tur a ni" a ti bawk.

He hun hi Falkawn MNF Unit President Pu F.Lalramzauva'n a kaihruai a, MNF zawm thar Congress - 90, ZNP - 7, MPC - 5, Neutral -6. An vaiin Voters 110 chu Dr.Mawitea hian a lawmlut nghal a ni.

Issued by Media & Publicity Department
Mizo National Front
Aizawl South III Constituency

No comments:

Post a Comment

Post Bottom Ad