International Powerlifting Federation buatsaiha World Master Powerlifting Championship, Oct 1-6, 2018 chhunga Mongolia ram khawpui Ulaan Baatar a inelna tel turin Pu P. Lalchamliana, Venglai Lunglei chu India ram aiawh tura thlan a nih angin a kal mek. He World Master Powerlifting Championship ah hian 120-140kg thlenga rit inchawi siak treng treng mai tur a ni. Hetianga India ram aiawh thei tur Mizo pa chak, a ban puam te pawh ram hruai truat mai, khiang leh zairum thing phoro ang maia fei truat mai hmelpu Pu Chama kan nei hi a lawmawmin, a ropui hle.
Sept 26-30 chhunga Lucknow, UP a National Classic Powerlifting Championship neih tumin Pu Chama hian Master Category ah Mizoram tan Gold Medal a lo chawi chhuak tawh bawk a ni.
India rama mihring tluklehdingawn 1.3 zinga Mizo hnam tlemte, maktaduai 1.4 vel awrh zinga India ram aiawh tura infiam mite kan nei ta fo hi a ropui hle a ni. Pu Chama hi an training na hmun ram lum lutuk atangin, Ulaan Baatar khawpui, a vawh laia -25-30C vela vawt thin, an ram Nipui lai July thla pawha Mizoram khawvawh lai ber ai pawha vawt zawkah a han in sang phek treuh mai dawn a ni a, i tawngtai pui teh ang u. ~ CT Lalrinawma
Post a Comment