Serchhip 24th Nov. : Nimin khan Serchhip Bazar ah National Peoples Party (NPP) huaihawtin Public Meeting neih a ni a, he hun ah hian Conrad Sangma, Chief Minister Meghalaya, Dr.Lalrintluanga Zahau, National Secretary NPP leh Serchhip Biala NPP Official Candidate Pu Kapliana Pachuau ten thu sawina neiin, Serchhip Zaithiam ten kalkhawmte awiin, mipui an kal tha hle.
He huna thusawitu Conrad Sangma, Chief Minister chuan Mizoram leh Serchhip tlawh thei a a awm chu a lawm thu leh November ni 28 a inthlanpui neih turah NPP Candidate rawn campaign pui a nih thu a sawi a, India ram politics inthlak mek ah Congress pawh State 18 atangin State 2 chauh ah Sorkarna an siam tawh a, NE India ah phei chuan Mizoram ah chiah Sorkarna an siam ani tiin, NPP chu Party naupang te mah nise State 4 a Sorkarna siam tute zing ah an tel thu leh Mizoram tan Political change atan tun hi huntha a nih thu a sawi a ni.
A sawi zel na ah NPP din tu a pa ni bawk PA Sangma leh ani chu MP a nih lai a, NE Kristian te tana parliament a au thin awmchhun a nih thu a sawi a, Central a Sorkarna chang mek BJP in Kristian te tan harsatna an thlen thu leh Kristian te hun pui pawimawh Krismas leh Gooh friday te Good Governance Day leh Digital day atan ahman tur a an puan pawh NE a Kristian tamna State ah chuan hman ve kher ngailo turin thutlukn an siam a ni a ti bawk.
Pu Conrad Sangma chuan Meghalaya-a Sorkarna an siam atanga hun reilote thla 8 chhungin Sport lamah nasa takin hma a sawn a, Entrepreneurship lamah danglamna a thlenin, MLA Fund atangin thalai 100 chuang IAS Coaching kaltir an ni a ti a, NPP chu Meghalaya te, Nagaland, Manipur leh Arunachal Pradesh tan chauh nilo in Mizoram tan pawh hna hmasawnna thlentu kan nih theih nan an Party Candidate te tawiawm turin a sawm a ni.
He huna thu sawitu dang Pu Kapliana Pachuau chuan He hunah hian Serchhip bial-a NPP candidate, Kapliana Pachuau pawhin thu sawiin Serchhip in bialtu MLA alo neih tawh \hin thu leh amaherawh chu mipui ten nel taka kan harsatna kan thlen ngamna MLA erawh kan la neilo niin a sawi a. Serchhip bial mipui ten harsatna kan tawhin kan bialtu MLA ka au eih zolo nia sawiin, MLA neilo ang vel kan nih thu a sawi a. Serchhip bial mipui te kan harh a hun tawh tih sawiin, chhimlam in min harh khalh tawh thu leh an bial mi te MLA an neih ṭhin avangin hamthatna awm thei ang angah te pawh a bial chhung mi ten an chang zel tawh tih a sawi a. Serchhip-a hmasawnna hna kan tih tam tak chu a bial chhung mi ten kan thawk ve thiam nia a hriat thu pawh sawiin, amaherawh chu Serchhip bial aia Vai hi duhsak zawk ṭhin MLA kan thlan tlin leh \hin avangin kan thawk ve theilo tih a sawi a. Serchhip bial-a MLA Candidate dang te chu inthlan zawh tuka Aizawl lama haw leh tur vek an nih thu pawh sawiin, Serchhip bial ami a nih avangin an khawngaih vote dil a hreh loh thu leh bial mipuiin an ring ngama an vote a nih chuan rin ngama hna a thawh tur thu a sawi a. Thlantlin a nih chuan bial mipuiin harsatna an tawk a nih chuan an hmaah a ding zel ang tih a sawi bawk.
NPP Public Meeting hi Pu K.Chawiliana, Vice President MPF Serchhip District in kaihruaiin hunserh a hmanga, Marylyn Khawlhring in a Host a, Dr. Lalrintluanga Zahau, National Secretary NPP chuan NPP Party lo din chhoh dan a sawi bawk a ni.
Post a Comment