PU. LAL THANHAWLA LEH MISSIONARY
"Cheng nuai li singthum leh sanghnih (4,32,000) Missionary chawmna LIKBK ah a pe tawh"
8 November, 2018 (Ningani) : Pu. Lal Thanhawla ngaihsanawmna em em chu principle nghettak nei a nihna hi a ni. Tin, Missionary a ngaipawimawh hi a fakawm hle bawk a ni. Famkimlohna tam tak chu a nei ve ngei ang, famkimlohna khawvela cheng kan ni si a.
MPCC President Pu. Lal Thanhawla, INC Official Candidate @ Serchhip AC & Champhai South AC chuan, kum 2012 khan Lairam Gospel Centenary Lawngtlai-ah a hmanpui a. He hunah hian thusawina neiin, kan chhungkuain Lairam Isua Krista Baptist Kohhran (LIKBK) ah hian Missionary kan lo chawm ve a nge a ti a. Kum 2013 atang khan kum tin Missionary chawmna atan hian Rs. 72,000/- a pe thin a, kumin 2018 June thleng khan Rs. 4,32,000 (72,000×6) a pe tawh a ni.
LIKBK ah hian tunah Tualchhung Kohhran 110 (za leh sawm) awmin, Pastor Bial 21 (sawmhnih leh pakhat) ah then niin Kohhran chhungkua 5535 (sangnga zanga sawmthum leh panga) an awm mek. Kohhran member hi an vaiin 28868 anni a, Pastor 36, Pro. Pastor 8, Kohhran Upa 658, Kohhran Rawngbawltu 914 an awm mek a ni. Mission Field hi panga an enkawl mek a, partnership Mission hnuaiah ram pahnih ah Missionary an tir bawk. Ni 12 June, 2018 thleng khan Missionary hi 170 annei mek a ni.
LIKBK hi Kohhran thang duang tak anni a, an Kohhran Zaipawl Assembly Choir te pawh zaia rawngbawlin khawvel ram hmun hrang hrangah kal ve tawhin, kum 2015 khan USA ah an kal a ni. Kum 2018-19 budget atan cheng nuai 1590 an ruahman bawk.
Post a Comment