MIZORAM BJP TEN KUM 2018 MLA INTHLAN PUI MANIFESTO TUR TI CHHUAK


MIZORAM BJP MANIFESTO 2018Nimin Ni 20.11.2018 khan Mizoram Pradesh BJP te chuan kumin inthlan pui kan hmachhawn mek tur atan Vision Document (manifesto) tih chhuahna hun an hmang a, he hun rawn hman pui tur hian National president Amit shah alo kal bakah Ram madhav/BJP National General Secretary in he manifesto tlangzarhna hun hi a hmang nghal a ni.

He Mizorama BJP ina kumin atana manifesto kan duan chhuah te chu ngun tak leh a taka mipuite hnen thleng phak ngei tura buatsaih leh, rel fel a nih bakah sawrkar thar a tih hlawhtlin ngei ngei tur leh, tuna central India lama scheme leh policy awm sa hmang duan leh ruat fel, hman nghal theih tura chhawp chhuah te a ni.

2018 MIZORAM BJP MANIFESTO

* Kum thum (3) chhungin inhmun nei si, Insakna neilo chu Insak sak vek an ni ang..

* Engineering college pathum (3), Medical college pahnih (2) leh Nursing zirna in Mizoram hmun hrang hrangah siam a ni ang.

* Retailer atangin BPL chhungkua ten buhfai Kg 1 chengkhat (Re. 1) a lei theih a ni ang.

* Prime Minister Health Insurance scheme hnuaia district tina damdawi inah te Specialist kimchang tak ten an thutchilh tur ni.

* District headquarters tina Stadium puitling siam vek.

* Kum nga (5) chhungin Ṭhalai hna neilo te tan hna chi hrang hrang 50,000 siam a ni dawn.

* Kum hnih (2) chhungin kawngpui tha tak siam vek a ni ang.

* Ramri inkalpawhna, Myanmar leh Bangladesh, insumdawn tawnna leh khualzin te, industries atan Aizawl atanga awlsam te a tlawhpawh nghal theih a siam a ni ang.

* Mizoram Development Council siam a, hamthatna Mizoram mipui zawng zawng ten leirem an lo rah ve theihna tur in hmalak a ni ang.

* Zin mite tan (Eco-tourism) felfai tak hmanga khualzin te hip luh tum a ni.

* India Danpui 8th Schedule a Mizotawng seng luh. (Mizotawngin central
service exam theih a ni tawh ang)

ZIRNA LAMA HMASAWNNA TUR TE


• Mizoram chhunga District headquartes zawng zawngah Secondary & Higher Education dah vek a ni ang.

• Zirlai trained chhuak tawh te tan District tina World Class Skill Development Centre dah vek a ni ang.

• Mizoramah CSS,SSA,HINDI leh RMSA hnuia a hnathawkte a nghet a dah vek tur a ni.

• Central puihna (financed)a zirna In tha (Navodaya Vidyalayas) tam zawk siam a ni ang.

• Kum khat chhungin Mizoram University Campus lian zawk a siam a ni ang.

• Library Block zawng zawng ami changtlung taka siam a ni ang.

YOUTH & EMPLOYMENT (THALAI TE TANA HNA SIAM)


• Sawrkarna kan siam kum 5 chhungin thalai hna neilo te tan hna singnga (50,000) siam ngei ngei tur a ni.

• Guwahati, Culcutta leh New Delhi a lehkha zirlai leh thalaite tan, special Youth Hostel siam tur a ni.

• Kum khat chhungin sawrkar hna hrang hrang – zirtirtu, nurse, police hnaruak awm zawng zawng hnawh khah a ni ang.

• HSLC & HSSLC-a letter hmu te tan Smartphone leh Laptop (computer) pek vek an ni ang.

• District tin te tan naupang leh tleirawl te hmakhua a tha thei ang bera ngaihtuahna hmun siam a ni ang.

• Mizoram naupangte him taka an khawsakna tur ngaihtuah a ni ang

HMEICHHIATE TAN HMASAWNNA


• Hmeichhia ten sumdawnna awlsam zawka an kalpui theihna tur ngaihtuah a ni ang.

• Armed Forces leh, Medical a Mizo hmeichhia ten awlsam taka hna an hmuh theihna tura training pek.

HMASAWNNA RUHREL


• VC te hnena thuneihna pek leh, hmasawnna chi hrang hrang an thawh theihna tura sumfai an kut a vawn tur pek an ni ang.

• Kum hnih chhunga Bangladesh nena kan inkal pawhna Karnaphuli lui a leihlawn dawhkai a ni ang.

• Connect Mizoram Scheme hnuaia District tin ten awlsam taka State Capital(Aizawl) an kalpawh zung zung theih theuhna turin khawpui leh thingtlang rang taka inkal pawhna kawng siam sak an ni ang.

• Mizoram ina Airport kan neih chhun Lengpui Airport hi International Airport ah hlankai a ni ang a, a dang pawh a remchan dan ang a siam zel a ni ang.

• Mitin in a fur a thala tui thianghlim intur hnianghnar zawka kan neih theih nan Water Phase II leh, ruahtui thianghlim zawka khawl khawmna changtlung tak siam vek a ni ang.

HEALTHCARE SCHEME


• Prime Minister Health Insurance Scheme hnuaia District tina Specialist a kima thutchilh damdawiin siam tur a ni ang.

• State chhunga rang leh chawpchilh taka hmunpui pan theihna turin Helicopter Ambulance chhawp chhuah a ni ang.

SPORTS (INFIAMNA CHANGTLUNG)


• Khawvel hriata kan inpho chhuah theih nan, Naupang leh thalaite tan infiamna hmun changtlung tak siam a ni ang.

• District Headquarters tinah Stadium puitling siam vek a ni ang.

TOURISM: KHUALZIN HIPNA TUR ATANA HMUN SIAM


• Mizoram hian khualzin hipna tur hmun tha tam tak a nei a, heng hmunte tlawh pawh theihna tur hian, Khualbuk (Tourist Lodge) leh, inkalpawhna tha tak siam a ni ang a, hmanlai kan hmun hluite ti danglam lova a tlawh pawhna tur kawng nuam tak siam vek a ni ang.

• Intihhlimna leh len khawthawnna hmunhma tam zawk siam a ni ang.

RAMRI CHUNGCHANG


• Assam leh Mizoram INRI NA hi diktaka chinfel a ni ang.

RURAL & URBAN DEVELOPMENT POLICY


• Mizoram mipui tena an hamthatna tur a fund lo kal diktaka an chan theih nana direct funding kalpui (Entirnan : Gas lakna, insak tanpuina, scholarship etc.) a ni ang.

• Khawtinah tuichhe paihna leh hnawmhnawk paihna changtlung taka siam a ni ang.

• Swatch Bharat ina a tum angin, khawtin tan inthiarna felfai tak kalpui a ni ang.

• Khaw tinah mitin tan englai pawha intur tui thianghlim chhawp reng a ni ang.

• Kum thum (3) chhungin PMAY hnuaiah IN leh LO neilo te chenna IN pek vek an ni ang.

• Multi-level (Parking System) lirthei tawt lutuk tih tlem dan rang taka ngaihtuah a ni ang.

• Thingtlang atanga damlo inentir tur Aizawl a rawn kal te tana insensona tlem zawka siam tur a ni.

ADMINISTRATIVE (KHAWTLANG INRELBAWLNA)


• Mizoram atanga UPSC-a tam zawk an inziahluh theihna tura kawng awlsam zawk siam a ni ang.

• BJP kan sawrkar atanga thla thum hnu ah sawrkar hnathawkte tan 7th Pay hman nghal a ni ang.

• India Danpui 8th Schedule a Mizotawng seng luh. (Mizo tawngin Central Service Exam theih a ni tawh ang).

• Mizo hnam zia leh Sakhuana humhalh turin sawrkarin theih tawpin hma a la ang.

• NLUP aia tha leh changtlung zawk Policy chhungkaw rethei zual bik te tan hamthatna tur siamsak a ni ang.

• Kum 1986 a hnam Pasaltha lokir te tan chhawmdawlna tha tak siamsak an ni ang.

HMASAWNNA TUR DANGTE


• Kan ram mau neih atang hian chhiah la lovin, Paper Mill eizawnna tlak changtlung tak siam a ni ang.

• Kut hnathawktute hamthat nan Sawhthing leh Aieng hlawk zawka hralhna tur ngaihtuah a ni ang.

• Social Welfare tih changtlun a, a bik taka Rualbanlo te dawmkan an ni ang.

• Mizoram chhunga Hmeichhia leh Thalaite tan intodelhna kawnga chak zawk a hmalak pui an ni ang.

LC Chhunthang Henryapa

Post a Comment

Powered by Blogger.