MIPUITE HNENA JOINT ACTION COMMITTEE (J. A. C.) ZARKAWT HRIATTIRNA LEH NGENNA - TIMES OF MIZORAM

Home Top Ad

Post Top Ad

MIPUITE HNENA JOINT ACTION COMMITTEE (J. A. C.) ZARKAWT HRIATTIRNA LEH NGENNA

Aizawl ZarkawtDT. 7.9.2018 zana Zarkawt vengchhunga buaina chhuak chungchang leh a hnu zêla thil thleng awm chungchangah Zarkawt J. A. C. (NGO hrang hrang te awmna) demna lam hawi thuziak facebook, whatsapp leh a dangah te hmuh tur a tam viau mai a, he thil thleng leh a kaihhnawih thuah hian Zarkawt J. A. C. chuan a tir tê atangin bêng kan chhiin thilawmdan kan en zui reng a ni tih he thil thleng hretu leh ngaihventu zawng zawng Mizo mipuite hriatah kan puang duhin kan hriattir a ni e.

Tin, he thil thleng chungchangah hian thu dik tak finfiah, hâichhuah leh hriatchian a nih hma chu kan ngaihdan leh rinthu thehdarh mai mai lo tur leh thubelhchian dawl lo leh thu puarpawlêng mai maiah Mipui ten ngaihdan siam mai mai lo tur leh buaina siam zawnga hma la lo turin Zarkawt J. A. C.- te chuan Zoram mipui zawng zawng te kan ngen a ni.

Tunah hian Police lamin F. I. R. bawhzuiin hma an la mêk a, a ranglama Chargesheet thuai tum a nih tih O. C., Aizawl P. S. in Zarkawt J. A. C. kalkhawmte hnenah a lo hrilh bawk avangin Dânin ro a rêl mai dawn a, mipuite lo chiai lo tur leh buaina siam zawnga hma la lo turin Zarkawt J. A. C.- te chuan mipuite kan ngen a ni.

Sd/-
C. MALSAWMDAWNGLIANA
Secretary 
J. A. C., Zarkawt

Sd/-
LALZAMLIAMA
Chairman
J. A. C., Zarkawt.

No comments:

Post a Comment

Post Bottom Ad