MZP LEH ZPM HRUAITUTE INKAWM

MZP PRESS RELEASE

Vawiin 7th Novenber, 2018 khan ZPM Chief ministerial candidate room ah MZP hruaitute leh ZPM hruaitu ten 2018 MLA inthlan lo awm tur atana inkawmhona hun neih a ni.

He hun ah hian MZP hruaitute hi ZPM Steering Committee Vice Chairman Pu Kenneth Chawngliana, Pi Lalbiakdiki Hnamte, PAC ZPM leh Pu Liankhuma Hrahsel, General Secretary leh hruaitu dang ten an lo dawng sawng a, he hun ah hian MZP ten Ramri chungchang , Education Chungchang, Mizoram a Lok Ayukta din chungchang leh Mizoram chhunga dan lova awm Chakma foreigner chungchang ah ZPM hmalak dan tur te an sawi ho a ni.

MZP President L. Ramdinliana Renthlei chuan MZP in Mizoram Assam ramri chungchang a hma a lo lak tawh dan hrang hrang te a sawi a, Ramri hrul ah Sipai tam zawk dah a ṭul zia sawiin, kan ramri te a lo him zawk nan Boundary Development Department siam a pawimawh zia leh ZPM a lo Sorkar chuan Zofate Chawlhbuk sak a nih theih nan hma lak an tum em tih a zawt bawk.

ZPM A SORKAR CHUAN ZOPHAI BAIRABI HMUNAH ZO-FATE CHAWLBUK SAK A NI ANG

ZPM Steering Committee Vice chairman Pu Kaneth Chawngliana chuan, MZP te nen inkawmna hun ṭha tak an neih theih avangin thinlung takin lawm thu a sawi a. "ZPM chuan Policy tam tak kan nei a kan policy leh Manifesto te hi kan ziak satliah a ni lova a takin kan Sorkar chuan hma kan la dawn a ni tih hi min hriatpui turin ka duh cheu a. Boundary Commision hi kan sawrkar chuan kan din anga, ramri enkawl tur bik department kan siam anga ramri enkawltu tur bik Minister pawh kan dah dawn a ni." a ni a. Sawi zawm zelin, "Ramri hrul ah Police Force dah hi kan chief Minister Candidate in a ngai pawimawh hle a, a rang thei ang berin hma kan la anga ramri hrul ah Police force thahnem zawk kan dah dawn a ni. Tin, kan lo Sorkar a nih chuan Bairabi Zophaia MZP ten Zofate Chawlhbuk sak an tum hi chak takin hma kan la anga a sa tu nih ngei kan tum dawn a ni." a ti.

MZP chuan ZPM hi Education chungchanga hmalak an tum dan hrang hrang Education Department a thawktu tur bik Mizoram Education Service siam, Zirtirtu indaih loh chungchang, Edcucation budget thahnem zawk dah chungchang leh Mizo zirlaite Central Service/Civil Service a thahnem zawk kan luh theih dan turte an sawipui a. ZPM Steering Committee Vice Chairman Pu Kenneth Chawngliana chuan chuan, "Zirtirtu indaih lo chungchang hi kan vei hle a, zirchianna pawh chi hrang hrang kan nei tawh a, Zirtirtu kan indaih ngei theih nan hmalak kan tum a, heng kan hmalak tum na ah pawh hian thingtlang school ten zirtirtu te awm na In (school Quarter) neih vek tura hmalak kan tum a, hei hian Transfer and Posting chungchangah pawh hma min sawnpui kan ring a ni. Tin, ZPM chuan Zirna tih hmasawn hi kan duh ber a nia chuvang chuan Education Deptt. khawih tu tur Education Service siam hi kan ngai pawimawh hle a, Mizoram Education Service siam a nih theih nan hma kan la dawn a ni. Education a hmasawn tur chuan Budget tam zawk dah kan tum bawk a, tunlai Mizoram kan mamawh em em All Indian Cental Service leh All Indian civil Service tam zawk kan neih theih nan nasa tak a hmalak kan tum bawk a ni. Heng zawng zawng hi kan Manifesto-ah ziahlan a ni vek a Kan sorkar chuan kan ti hlawhtling vek ang." a ti bawk

MZP chuan Mizoram chhunga dan lo a awm Chakma Foreigner chungchanga ZPM hmalak tum dan a zawt a. ZPM chuan, "Zofate hmasawnna hi a ngai pawimawh hle a, kan ram ah dan lova awm Forigener (Chakma) chungchang hi kan ngai pawimawh em em a, hmalak dan tur pawh ruahmanna fel tak pawh kan nei sa a, kan lo sawrkar a nih chuan Foreigner te hi a rang thei ang bera Mizoram an chhuah san theih na turin hmalak kan tum a ni, tin, CADC Area a zohnahthlak awm te tan a bik takin hma lak kan tum a Development pawh nasa tak a pek kan tum bawk a ni." an ti

MZP chuan ZPM in Mizoram a eirukna do na tur Lok Ayukta ha hriam tak nei din in tum em tih a zawhna chu, ZPM Steering Committee Vice Chairman Pu Kaneth Chawngliana chuan, "MZP ten tunhma atang a in lo vei em em Eiruk do chung chang ah hian nasa takin hmalak kan tum a, kan Menifesto ah pawh kan ziak lang bawk a ni. Lok Auyta hi rang taka a function theihna turin hma kan la dawn a ni. Tin, he dan hian Chief Minister pawh a chhui theih dawn avangin Chief Minister chu Party ah pawh nihna pawimawh kan chelh tir dawn lo a ni. Tun sawrkar kan hrawn mek ah hian eirukna a hluar em avang in Lok Ayukta pawh hi an kan function ngam lo ah kan ngai a, ZPM kan sawrkar a nih chuan nasa tak in eiruk na kan do dawn a, Mizoram ah Lok Ayukta hi kan din nghal dawn a ni." a ti bawk.

MZP leh ZPM hruaitute inkawm hona ah hian MZP lam atangin President L. Ramdinliana Renthlei hoin hruaitu thahnem tak an tel a, ZPM lam hi ZPM Steering Committee Vice Chairman Pu Kenneth Chawngliana leh hruaitu dang thahnem tak an tel bawk a, inkawmna hun tha tak neih a ni.

MZP chuan kan hmalawk MLA inthlanpui lo awm tur pual hian Mizoram chhunga Political Party hrang hrang te a kawm kual zel dawn a ni.

(H. LALTHIANGHLIMA) 

Asst. Gen. Secretary

Mizo Zirlai Pawl