LALDUHOMA'N AIZAWL WEST-I A CHHUAHSAN

Lalduhoma Opposition Leader
ZPM hruaitu Pu Lalduhoma'n Aizawl West - I assembly bial a chhuahsan a, Serchhip bial a vawng dawn. Serchhip leh Aizawl West - I biala tling kawp Pu Lalduhoma hian nimin khan Aizawl West - I bial a chhuahsan thu hi Assembly Secretariat a hriattir tawh a.  Assembly lam chuan Election Commission of India an hriattir tawh bakah Aizawl West -I bial a ruah tak thu hi hriattirna chhuahin an puang tawh a ni. Aizawl West - I by-election hi nakum chawhma lama Lok Sabha inthlanpui ruala buatsaih ve a nih rin a ni.

Pu Lalduhoma hian Serchhip bialah chief minister ni lai Pu Lal Thanhawla, kum 6 zet thlan tlin lo ni tawh chu vote 410 in a hneh a. Serchhip bialah hian Pu Lal Thanhawla hi kum 1984 atang khan a la tling chho zel a, 1998 chiah khan a la tla a, kumin hi a tlak vawi 2-na a ni. Aizawl West - I bialah hian Pu Lalduhoma hian MLA ni lai, minister hlui Pu K. Sangthuama chu vote 1,060 in a hneh a ni. -AIR

Post a Comment

0 Comments