MIZORAM CRIME RATE REVIEWMizoram Crime Rate: Aizawl District leh Lungleiah nikum aiin kuminah pawikhawihna crime rate a tla hniam hret.

Nimin khan Aizawl SP hovin Aizawl DEF hnuaia Officers, Addl SP, SDPO, OC leh Officer dang te nen Annual Crime Review Meeting SP Conference Hall-ah neih a ni a. Nikum leh Kumin chhunga Aizawl District chhunga Criminal case register chungchangte leh a khaikhinna te thlir ho a ni a. 

Case pawimawh zual bik Special Report case te leh Case pawimawh bik (sensitive case) la chinfel loh te sawiho a, hma lak dan tur te uluk taka sawiho ani a. Kumin Krismas leh Kumthar lo thleng tur hi mipuiten ralmuang tak leh hlim taka hman a nih theih nan a hmalak mek dan te leh hma lak zel dan turte pawh sawiho nghal ani a. Nasa zawk a misualte hnuchhui kawngah hma lak dan tur te, hunpui lo thleng turah thianghlim tak leh ralmuang taka hun hman a nih theih nan sorkar khap thil Halpuah leh a kaihhnawihte, Zu leh ruihtheihthilte hmanga midangte tana harsatna siamlo tura hmalak dan tur pawh sawi ho a ni a, heng thil dap/check leh tilo tura awareness pek pawh nasa taka kalpui dan tur an rel bawk a ni. 

MIZORAM CRIME RATE REVIEWKum 2018 November thlengin IPC case bikah Rukruk, in rawk (Burglary/Theft) atam ber a case 554 a awm a. Kumtlinglo chunga sualna (POCSO) case 63 awmin Zu case(MLPC) 57 a awm. Tualthah case 6 a awm bawk ani. Special Report case 100 zingah 38 pending awmin adang zawng chu chinfel tawh ani. Pending case te uluk taka sawiho niin hma lak zel danturte sawiho a ni bawk.

Lunglei-ah pawh SP's Conference Hall ah SP Lunglei District Pu C.Lalthanmawia kaihhruaina hnuaiah neih a ni. 

He meeting ah hian, Addl. SP,Lunglei DSP(Hqrs), Lunglei,SDPO Lunglei, Hnahthial leh Tlabung te bakah Lunglei District chhunga O/C leh Lunglei PS hnuaia Investigating Officer te an tel ani. He meeting ah hian kumin chhunga Crime leh Law and Order dinhmun te thlirletna neih a ni a. Meeting ah hian Lunglei District a Case Pending neih te hmalak dantur sawihona neih ani. Law and Order chungchang ah District chhung a muanawm thu sawi ani bawk. 

Lunglei Distict chhunga January Ni 1 atanga, December ni 19, 2018 chhungin Case 2551 register ani a. Case 206 chargesheet niin Case 4 final report thehluh a ni a. Case 45 chu Pending Investigation ani. Special Case 25 awmin MLPC Act. 9, Inner Line Permit Case 14, Motor Accident Case 7, Traffice danbawhchhiate hnen atanga pawisa hmuh zat Cheng Nuai 6 Sing 4 Sang 8 Za 3 (Rs.648300/),Un Natural Death Case 32 leh Heroin 1605gms, Methamphetamine 620.65 gms man ani bawk. -AIR

Post a Comment

  1. Business document service providers supply pasco county latest arrest an additional choice these days and also are obtaining significantly prominent. For a really affordable charge, they not just provide expertly packaged details however additionally protect the nonprofessional customers from any kind of feasible infraction of regulations and also policies in their usage.


Powered by Blogger.