To,
The Chairman / Secretary,
Zofest 2018 Organising Committee,
Mizo Zirlai Pawl, General Headquarters.
Subject : Chibai Bukna
Zofate tana thawhpui duhtak,
A hmasa-in Zofa Global Network (ZGN) hmingin Chibai ka buk a che.
MZP-in kum 2002 aţanga vawiin thlenga Zofate chenna hmun hrang hranga Zofate inpumkhatna leh insuihkhawmna tura Zofest in buatsaih ţhin hi Zofa Global Network chuan ropui a tiin a chhuang em em che u a. Khawvel awm chhung chuan chawl lova Zofest hi buatsaih zel turin duhsakna a hlan bawk che u a ni.
Zofa Global Network thiltum ber chu khawvel puma Zofate zawng zawng inpumkhatna, insuihkhawmna, inunauna, inngaihsak tawnna, inţanpui tawnna atana hmalak leh hnam ropui kan ni tih khawvel hriata pho lang tura hmalak a ni a. Hemi tihlawhtling tur hian Programme chi hrang hrang pawh kan lo buatsaih ve tawh nghe nghe a ni. Hemi kawnga thawhhlawk tak tak, mimal leh pawl hrang hrang, MZP ngei pawh telin “Zofa Global Award” kan lo hlan tawh bawk.
Zofa Global Network thiltum tihhlawhtlinna kawngah Zofest hian nasa takin sul a lo su tawh a, a thawhhlawk hle a ni. Zofest 2018 pawh hian nasa takin Zofate inpumkhatna leh inunana atan hna a thawk leh ngei ang tih kan ring a. Hlawhtling tak leh hlim taka hman a nih theih nan Zofa Global Network chuan duhsakna sang ber kan hlanin Chibai kan buk che u a ni.
Sd/-
(JAMES RAMDINMAWIA)
General Secretary
Post a Comment