Mizoram Adventist Thalaiten Global Youth Day An Hmang - TIMES OF MIZORAM

16 Mar 2019

Mizoram Adventist Thalaiten Global Youth Day An Hmang

Mizoram Adventist ThalaitenKhawvel puma Adventist thalaite chuan vawiin khan midangte tana luanchhuahna ni Global Youth Day an hmang. Thalai maktaduai 10 chuang che chhuaka ngaih a ni. Global Youth Day ah hian Biak In chhunga sermon ngaithla loin, mahni ngei che chhuaka, an nun hmanga sermon ni turin thalaite an che chhuak a. A thupui hi "Be the Sermon" tih a ni.

Mizorama adventist thalaite pawhin Mizoram hmum hrang hrangah he hun hi an hmanga. Lunglei Adventist Youth Federation te chuan Bethel Centre tlawhin program an hmanpuia buhfai bag engemawzat an pe a. Chawhnu lamah Bazar Biak Inah Joint Fellowship an hmang. Thenzawl AYF te chuan khualzinte hnenah eitur leh in tur an sem a. AYF Kolasib Branch chuan Hospital tlawhin blood donation camp an buatsaih. AYF KLS Branch chuan Refferal Hospital tlawhin, khualzinte tan in tur leh ei tur an sem a. Hetiang hian Mizoram chhunga AYF Branch sawm pali te chuan an awmna hmun theuhah midang tan an che chhuak a ni. 

Aizawlah chuan AYF Aizawl East leh West te chuan a huhovin program an hmang bawk a. Zingkarah Hmangaihte Run, Sunshine Children’s Home, Muanna In, Jeriko Khualbuk De-addiction Centre, Samaritan Riangvai Run, Gan Sabra, leh Old Age Home te tlawh a, tanpuina pek an ni a. Hei bakah hian tanpui ngai thlanchhuah te tanpui niin Dinthar kawnah free check up neih a ni.

Aizawl Civil Hospital ah mamawhte tan thisen pek a ni bawk. Global Youth Day hi kum 2013 atang khan Youth Department, General Conference of Seventh-day Adventist, Michigan, USA kaihruaina hnuaiah khawvel pumah hman tan a ni a. Mizoram a Adventist thalaite pawhin kum tin thalaite luan chhuahna hunah an hmang thin a ni. ~ AIR

No comments:

Post a Comment

Post Bottom Ad