PRESBYTERIAN WOMEN: Nizan hmasa atanga tan, Presbyterian Kohhran Hmeichhe Inkhawmpui Lian Vawi 48-na, Kolasib Diakkawn Field a pandal a tan chu zanin hian a tiak ang.
Zirtawp ni tlai dar 5 thlenga palai in report chu 7,786 an tling a. Hemi zana palai lawmna leh report inkhawm chu Chairman Pi K. Lalliantluangi’n kaihruaiin, General Secretary hnen atangin report ngaihthlak a ni a, Synod Moderator Rev. R. Lalhmingthanga’n thu a sawi a ni. Nimin Inrinni zing khan Kolasib Diakkawn Kohhran Biak In ah Rorel inkhawm neiin Hruaitu thar thlanna neih nghal a ni a. Chawhma dar 10 ah pandal ah Rorel hlan inkhawm neiin, chawhnu-ah Thuzir inkhawm neih a ni a, Joela bu zir a ni. Nizan Pathian biak inkhawm chu Vice Chairman Pi Lalnuntluangi’n kaihruaiin, LIKBKHP chibai bukna ngaihthlak a ni a, Chairman Pi K. Lalliantluangi’n thu a sawi.
Vawiin chawhma Pathian biak inkhawm chu Chairman Pi K. Lalliantluangi’n kaihruaiin, MBKHP chibai bukna ngaihthlak a ni a, Speaker Rev. Dr. R. Vanlaltluanga, ATC in ‘Tunlai thil awmzia’ tih thupuia hmangin thu a sawi a. Synod Executive Secretary i/c Hmeichhia Rev. B. Sangthanga’n Kristian Chhungkaw Dinhmun Tehna - No Mawi a hlan bawk. Chawhnu dar 1:30 Pathian biak inkhawm chu Vice Chairman Pi Lalnuntluangi’n kaihruaiin, PWGC, Myanmar chibai bukna ngaihthlak a ni a, Speaker Rev. Dr. R. Vanlaltluanga, ATC hnen atangin thupui sawi ngaihthlak leh a ni.
Zanin Pathian biak inkhawm chu Chairman Pi K. Lalliantluangi’n kaihruaiin, Speaker Rev. Dr. R. Vanlaltluanga, ATC hnen atangin thupui sawi ngaihthlak leh a ni ang a, Synod Moderator Rev. R. Lalhmingthanga’n Hruaitu tharte hlanna hun a hmang bawk ang. ~AIR
Post a Comment